Газаправод «Паўночны паток» адновіць працу ў выпадку зняцця санкцый. Пра гэта заявіў прэс-сакратар прэзідэнта РФ Дзмітрый Пяскоў, паведамляе «Коммерсант».
Падчас прэс-колу Пяскоў сказаў, што цяпер у трубаправода, маўляў, «застаўся рабочым адзін агрэгат — і той дае збоі, і там працягваюцца паломкі».
На ўдакладняючае пытанне, ці адновіцца прапампоўка па «Паўночным патоку» ў выпадку зняцця санкцый, прадстаўнік Крамля адказаў: «Безумоўна. Тыя самыя санкцыі, якія перашкаджаюць абслугоўваць агрэгаты, якія перашкаджаюць іх перамяшчаць без адпаведных юрыдычных гарантый, якія перашкаджаюць даваць юрыдычныя гарантыі. Менавіта вось гэтыя санкцыі, якія ўвялі заходнія дзяржавы, менавіта яны давялі сітуацыю да таго, што мы бачым цяпер».
«Паўночны паток» цалкам спынілі на рамонт з 31 жніўня на трое сутак. Але 2 верасня «Газпром» абвясціў, што спыніць працу газаправода на нявызначаны час з-за выяўленай уцечкі алівы.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?10
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары