Свет

Пасол Украіны ў Германіі збіраецца прасіць прабачэння перад канцлерам Шольцам за параўнанне з лівернай каўбасой

Пасол Украіны ў Германіі Андрэй Мельнік хоча папрасіць прабачэння ў федэральнага канцлера Олафа Шольца за сваю колішнюю скандальную заяву пра «ліверную каўбасу». Пра гэта ён сказаў выданню Bild, паведамляе «Украінская праўда».

Андрэй Мельнік

«Гэта заява, пра якую я пасля пэўнага часу, вядома, шкадую. Я асабіста папрашу ў яго прабачэння», — сказаў Мельнік. Пасол дадаў, што ягоная заява была «дыпламатычна недарэчнай» і «абразіла многіх людзей не толькі ў Германіі».

У пачатку мая Мельнік раскрытыкаваў адмову Шольца ад візіту ў Кіеў у знак пратэсту ад таго, што перад гэтым украінцы адмовіліся прыняць у сябе федэральнага прэзідэнта Франка-Вальтэра Штайнмаера.

«Строіць з сябе пакрыўджаную ліверную каўбасу — гучыць не вельмі па-дзяржаўнаму… Гаворка ідзе пра вельмі жорсткую вайну на знішчэнне з часоў нападу нацыстаў на Украіне, гэта не дзіцячы садок», — працытавалі тады Мельніка нямецкія выданні.

У нямецкай мове выраз «пакрыўджаная ліверная каўбаса» ўжываецца для абазначэння людзей, якія строяць з сябе пакрыўджаных без якой-небудзь важкай на тое прычыны.

Звычайна за такімі недыпламатычнымі выказваннямі дыпламатаў на адрас кіраўніцтва краін, у якіх яны прадстаўляюць сваю дзяржаву, ідуць ноты пратэсту і іншыя меры ўздзеяння, але ўлічваючы агульны кантэкст нямецкае кіраўніцтва не стала з гэтага раздзьмуваць вялікі скандал.

Цяпер жа сітуацыя ўвогуле змянілася. Шольц нядаўна прыязджаў у Кіеў разам з лідарамі Францыі, Італіі і Румыніі. Ён афіцыйна заявіў пра падтрымку надання Украіне статусу кандыдата на ўступленне ў ЕС, а таксама паабяцаў далейшую вайсковую дапамогу ў барацьбе з расійскім уварваннем.

Украіна таксама пачала нарэшце атрымліваць ад Германіі цяжкое ўзбраенне, такое як самаходныя артылерыйскія ўстаноўкі Panzerhaubitze 2000. 

Чытайце таксама:

Пасол Украіны ў Германіі назваў канцлера Шольца «пакрыўджанай лівернай каўбасой»

Каментары

Дар‘я Лосік выйшла на свабоду па памілаванні9

Дар‘я Лосік выйшла на свабоду па памілаванні

Усе навіны →
Усе навіны

Паўла Латушку выклікалі ў польскую пракуратуру2

Расійскі вайсковец, якога нібыта сёння ўзарвалі ў Маскве: Я жывы, сяджу на працы

Спевака — пастаяннага ўдзельніка афіцыйных канцэртаў — будуць судзіць за пратэсты1

Сярэдні заробак у чэрвені вырас на 50 рублёў, але наколькі ён адлюстроўвае рэальную сітуацыю?

Дзікавіцкі: Каманда «Белсата» амаль не мае ніякага ўплыву на сітуацыю3

Стрыжак тлумачыць, чаму супраць перамоваў з лукашэнкаўцамі і якая яго прапанова1

Сталі вядомыя падрабязнасці сустрэчы Дуды і Сі Цзіньпіна наконт рэжыму Лукашэнкі

На таргах у Мінску даляр з салідным запасам рухнуў да гадавога мініміму1

«Падрыхтоўка да Алімпіяды прайшла не так, як планавала». Ціманоўская расказала, з якім настроем едзе ў Парыж6

больш чытаных навін
больш лайканых навін

Дар‘я Лосік выйшла на свабоду па памілаванні9

Дар‘я Лосік выйшла на свабоду па памілаванні

Галоўнае
Усе навіны →