Сухая расліннасць загарэлася на лузе за два кіламетры ад вёскі Балічы, агнём ахапіла каля 2 га, паведамілі ў Гродзенскім абласным упраўленні МНС.
Школьнік, які адпачываў у бабулі на вакацыях, першы заўважыў агонь і паведаміў пра гэта па тэлефоне 101. Хлопчык расказаў, што зусім нядаўна ў школу прыходзілі работнікі МНС і распавялі пра небяспеку выпальванняў сухой травы і дзеянні пры іх выяўленні.
Гэта першы ў вобласці сёлета выпадак маштабнага загарання сухой расліннасці. Непасрэднай пагрозы пацярпець ад агню вёсцы не было, але ратавальнікі і работнікі мясцовага СВК спынялі пажар на працягу сарака хвілін. Трактарамі ўзаралі тэрыторыю, каб перагарадзіць шлях агню, і пры дапамозе рыдлёвак і галін патушылі полымя.
Улічваючы, што паступова усталёўваецца цёплае сухое надвор'е, небяспека ўзгаранняў леташняй травы ўзрастае. МНС просіць быць больш уважлівымі дачнікаў, сельскіх жыхароў, работнікаў сельгаспрадпрыемстваў пры ўборцы смецця і абыходжанні з агнём. Летась у Гродзенскай вобласці адбылося 611 пажараў сухой расліннасці на агульнай плошчы 324 га, у адным з іх загінуў пенсіянер.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?11
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары