Следчы камітэт РФ запалохвае ўкраінскіх салдат крымінальнымі справамі
У Следчым камітэце Расіі створана «спецыялізаванае ўпраўленне па расследаванні злачынстваў, учыненых на тэрыторыі Украіны».
Пра гэта ў сераду паведамляе афіцыйны сайт ведамства.
Паводле паведамлення, «створанае кіраванне будзе дзейнічаць да таго часу, пакуль усе ўкраінскія вайскоўцы і асобы, якія здзяйсняюць злачынствы супраць мірных грамадзян, не будуць прыцягнутыя да крымінальнай адказнасці».
У працы спецупраўлення будуць прымаць удзел усе следчыя падраздзяленні СК Расіі, на тэрыторыі якіх прыбываюць уцекачы з Украіны (як вядома, інфармацыя пра патоку бежанцаў з Украіны не адпавядае рэчаіснасці — УП).
У СК нагадваюць, што яны ўжо расследуюць «шэраг крымінальных спраў па фактах злачынстваў у дачыненні да ўкраінскіх і расійскіх грамадзян на тэрыторыі Украіны».
«У прыватнасці, у дачыненні да членаў «УНА-УНСО» — Мазура, Бабровіча, Яраша, Карчынскага, братоў Цягнібокаў, Мамалыгі і іншых, па факце ранення расійскага журналіста відэаагенцатва «Russia today» і інш.».
Таксама ў СК падкрэсліваюць, што «у рамках крымінальнай справы аб незаконных метадах вядзення вайны на тэрыторыях Данецкай і Луганскай народных рэспублік ужо праводзіцца шэраг следчых дзеянняў».
Акрамя таго, СК Расіі мае намер атрымаць з незалежных крыніц дадзеныя з касмічных спадарожнікаў розных краін, на якіх «зафіксаваны характар разбурэнняў, іх колькасць, а таксама месцы дыслакацыі ўкраінскіх ваенных фарміраванняў».
Следчы камітэт Расіі мае намер таксама «даць прававую ацэнку дзеянням Арсена Авакава, Ігара Каламойскага і іншых».
СК РФ «заклікае ўсіх, у тым ліку і свядомых грамадзян Украіны, аказаць садзейнічанне ва ўстанаўленні канкрэтных выканаўцаў забойстваў мірных грамадзян паўднёва-ўсходніх рэгіёнаў Украіны».
«І хай не сумняюцца гэтыя «героі Украіны», што іх «подзвігі» рана ці позна атрымаюць адпаведную ацэнку, якую дадуць не іх сённяшнія гаспадары, якія аддаюць злачынныя загады, а расійскія і міжнародныя судовыя органы».
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?12
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары