Цікаўны,

ну хаця б таму, што адрозна ад Вас, ён разумее пра што гаворыць. А яшчэ таму, што ён быў адным з нешматлікіх аналітыкаў, хто дакладна прадказаў гэтую вайну задоўга да ейнага пачатку, ня маючы сакрэтных выведдадзеных, а карыстаючыся выключна мэтадалёгіяй сацыяльна-палітычнага аналізу.
Тое, што Захад ускосна прыклаў руку да гэтае вайны -- труізм. Не абавязкова быць марксістам, каб бачыць як Захад гадамі рабіў гэшэфты з Пуцінам ды ягонымі зладзейскімі эліткамі, спрыяючы паглыбленьню маёмаснай прорвы паміж імі і простымі расейцамі, росту сфрустраванасьці расейскага грамадзтва да тае ступені, што яно зараз бязропатна ідзе на ўбой і забіваць. І як Захад аніхалеры не рабіў для пакараньня агрэсара пачынаючы з 2014 году. Ну бо прыбыткі ўласных капіталістаў і дабрабыт бюргерства важнейшыя ад жыцьцяў нейкіх там украінцаў. І зараз шмат у чым гатовы на вяртаньне да статус-кво.
І, дарэчы, я не прыгадаю, дзе гэта і калі Юдзін выпраўдоўваў расейцаў. Доказы альбо выбачэньні?

не такі як ёсць,

Захад ніколі ўсур'ёз не цікавіўся інтарэсамі Расеі. Ён і не павінен быў, бо інтарэсы Расеі павінен адстойваць урад Расеі. Але Захад моцна цікавіўся інтарэсамі расейскай зладзейскай эліткі з Пуціным на чале. Цікавіўся таму, што гэта дазваляла эфэктыўна вырашаць уласныя праблемы, перадусім з энэрганосьбітамі, але ня толькі (расейскія капіталы, нерухомасьць, яхты, чэлсі і г.д.)

У 2008 годзе ў іх павінна была запаліцца лямпачка, у 2014 -- уключыцца сырэна. Але гэтага ня сталася, таму што ўсё іх задавальняла. Адказнасьць ня толькі на палітыках, але і на выбаршчыках, якія прадалі прынцыпы свабоды і дэмакратыі за чачавічную поліўку спажывецтва. Таму я кажу пра адказнасьць Захаду.

Я ня бачу нічога заганнага для расейца ў тым, каб быць патрыётам Расеі. Гледзячы толькі што пад гэтым маецца на ўвазе. Не заўважыў нічога крымінальнага ў тым што кажа Юдзін. Наколькі я яго зразумеў, ён выказваецца, што распад Расеі папросту малаімаверны. У першую чаргу таму, што ўсе баяцца расейскай ядзернай зброі. Вельмі страшна, калі яна ў руках такога, як Пуцін, але яшчэ горш калі такіх Пуціных будзе 50 ці 100.

Цяпер мы ўсе спачуваем Украіне і вельмі хочам, каб яна наваляла маскалям, а Расея зьнікла з мапы. Рэальнасьць у тым што 150 мільёнаў нікуды ня падзенуцца, а ўкраінскія танкі ня пойдуць на Маскву (на Дразды таксама ня пойдуць). Расея застанецца, у той ці іншай канфігурацыі. Выйсьце ЗСУ на межы 1991 году -- гэта не перамога, гэта ўсяго толькі status quo ante bellum. Перамогай было б утаймаваньне агрэсара і недапушчэньне рэцыдываў у будучыні. Як гэта зрабіць без вайсковай перамогі над Расеяй (якая зараз немагчымая па вызначэньні) думаю, цяпер ня ведае ніхто. Тое, што прыніжэньне без дашчэнтнай перамогі контрпрадуктыўнае, Захад добра ведае з гісторыі Першай сусьветнай і ейных наступстваў. Стратэгія гвалтоўнага цывілізаваньня немагчымая без вайсковай перамогі і акупацыі. Кола замкнулася. Мой прагноз: Захаду давядзецца шукаць з кім дамаўляцца ў цяперашняй Расеі. Яны, мяркуючы па ўсім, ужо і шукаюць.

Таму раіў бы менш сьлепа цытаваць тэзы ўкраінскай вайсковай прапаганды (хоць яна, безумоўна, цяпер неабходная і даволі пасьпяховая), а глядзець на навакольны сьвет больш цьвяроза. Пасьля ня так балюча.

не такі як эсць,

Калі няма чаго запярэчыць па сутнасьці, ва ўжытак ідуць аргумэнты ad hominem.

maple,

Роля навукоўца і аналітыка палягае ня ў тым, каб вызначаць "хто вінаваты", а ў тым, каб растлумачыць чаму адбываецца тое, што адбываецца. І што можа адбыцца далей. Рыгора Юдзіна зь бясконцага шэрагу разнастайных сьпікераў вылучае тое, што ён быў бадай адзіным, хто прадказаў гэтую вайну задоўга да ейнага пачатку. Прычым, прадказаў не як Баба Ванга, а з навуковым абгрунтаваньнем, вызначаючы ролю і адказнасьць кожнага значнага актара: позьне- і постсавецкай зладзейскай эліткі, нэалібэральных "гуру", якія шмат зрабілі дзеля атамізацыі расейскага грамазтва, "дабрадзеяў" з Захаду, якія ўсяляк патуралі апэтытам расейскай улады, не зважаючы на трывожныя знакі, якія праявіліся яшчэ перад нападам на Грузію. Тут увогуле ня йдзецца пра віну ці адказнасьць, а пра тое што зрабіць каб гэта скончылася ды не паўтарылася.

Для аматараў пакідацца віной ёсьць бясконца многа іншых рэсурсаў.

не такі як ёсць,

Там вышэй, Р.Юдзіна называюць "марксістам". Яны маюць рацыю, ён мае марсісцкія погляды і шырока карыстаецца марксістоўсткай мэтадалёгіяй. Даволі пасьпяхова: адрозна ад большасьці "лібэральных" экспэртаў, якія год таму селі ў калюжу, ён здолеў прадказаць вайну задоўга да таго, як былі аддадзеныя фатальныя загады. Таму яго друкуюць і чытаюць, а не таму што "расеец" (цяпер працуе ў Прынстане) ці "лібэрал" (марксізм -- адначасова дыялектычнае разьвіцьцё і запярэчаньне лібэральнай навукі аб грамадзтве).

З Вашых выказваньняў відаць, што Вы зразумелі няшмат з таго што тут напісана. Таму спрачацца з Вамі нецікава. Бывайце здаровы, беражыце сябе.