U Piciery nie razumiejuć biełaruskaje movy, ale pierapytvajuć i cikaviacca, adkul my.

Horad znachodzicca z Mahilovam na adnym merydyjanie na adlehłaści 834 km na poŭnač. Heta druhi horad Rasiei pavodle nasielnictva i pieršy horad pa kolkaści biełarusaŭ. Ich tam kala 3%, značyć, 150 tys. Pry ŭjeździe — nadpis: «Sankt-Pietierburh. Horod-hieroj Leninhrad». I heta saviecka-rasiejskaja dvaistaść tut usiudy. Nia znosiać savieckich pomnikaŭ, na prykole staić «Aŭrora», i chodzić pa vulicach maskaradny Piotar. Tut, darečy, try kultavyja asoby: Piotar, Lenin i Pucin. Pradajucca dyvanki z Pucinym u kimano, Lenin na majkach hodna trymaje chvihu. A ja nabyŭ zapałki ź Piatrom. Kumir rasiejskaje imperyjalistyčnaje moładzi spaliŭ moj Mahiloŭ i spryčyniŭsia da vybuchu ŭ Połackaj Safii.

U Piciery šmat turystaŭ, pałova ź ich niemcy, a čverć kitajcy. Tut samaje hłybokaje ŭ śviecie metro — na eskalatary jechać chviliny čatyry. I vielmi brudnaje j śmiardziučaje, z alkaholikami i žujkami na łavach.

U Piciery nie razumiejuć biełaruskaje movy, ale pierapytvajuć i cikaviacca, adkul my. U Ermitaž (pa-francusku — «miesca dla samoty») zabaroniena pranosić usialakuju vadkaść, kab psych jaki, kryj Boža, nie paniščyŭ karciny kisłatoju. Zimovy pałac byŭ pabudavany na asnovie prajektu Niaśviskaha zamku. U Piciery možna sustreć biełaruskija aŭtobusy MAZy, a niekatoryja ź ich pieraabstalavanyja pad hramadzkija prybiralni. Uvachod — 700 rubloŭ na našyja.

Picier — vialiki horad. I dvaisty. Cudoŭny i šakujučy. Pryvabny i brudnavavaty. Škada voś tolki, što biełarusaŭ tam ja tak i nie pabačyŭ.

Pavał Čumakoŭ, Pieciarburh—Mahiloŭ—Miensk

Клас
0
Панылы сорам
0
Ха-ха
0
Ого
0
Сумна
0
Абуральна
0