The Rolling Stones vypuścili kampilacyju da
Jubilei śviatkujuć pa-roznamu navat muzyčnyja hurty, voś naprykład The Rolling Stones raz na dziesiać hod vypuskajuć kampilaciu “usiaho samaha najlepšaha”, dzie kolkaść trekaŭ supadaje z kruhłaj dataj. Jak vynik, na 50-hodździe, vychodzić ažno patrojny kampakt z nazvaj “Hrrr!”, dzie iznoŭ sabrana 48 starych i dźvie novyja pieśni.
Kamu jano takoje treba? Pa-pieršaje tym, chto nikoli nie čuŭ hurt, ci tym, chto nie choča źbirać dyskahrafiju pa albomach. Ale apošnija naŭrad ci kinucca kuplać patrojny albom. Što tyčycca źmieściva, dyk pieršy dysk pradkazalny da niemahčymaści, druhi (70-ja hody) sprečny, bo niezrazumieła, jak padbiraŭsia, apošni prosta nieabaviazkovy, kali nie ŭličvać dźviuch novych pieśniaŭ, adna ź jakich užo stała klipam, a druhaja hučyć jak napaŭzabyty skarb 70-ch. Tamu kalekcyjanieram daviadziecca vyciahvać hamaniec – chutčej za ŭsio chitryja biznesoŭcy Džahier i Ryčards na toje i raźličvajuć.
Pałova pieśniaŭ padadziena ŭ “skaročanym” vyhladzie – nie vielmi zrazumieła navošta, ale naprykład Tubling Dice (o cud!) u “novym” vyhladzie možna krucić pa radyjo.
Pa vynikach možna skazać, što nastupny “hrejtest chits” my ŭbačym praź dziesiać hod, u im budzie 60 pieśniaŭ, ale zbornik “płacinavy” status nabudzie – z kampilacymi Stones tak byvaje amal zaŭždy, navat kali jany nie vielmi asensavanyja.
Pasłuchać albom całkam možna tut.
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach7
Kamientary