Alaksandr Łukašenka siońnia na naradzie pa pytańniach raźvićcia žyllovaha budaŭnictva ŭ Minsku vykazaŭ šerah krytyčnych zaŭvah u dačynieńni da tempaŭ i pradukcyjnaści pracy ŭ budaŭničaj śfiery Biełarusi.

«Ja kateharyčna niezadavoleny tempami budaŭnictva žylla i naohuł budaŭnictva ŭ našaj krainie. Da hetaha my jašče vierniemsia. I vielmi škada, što pry hetym my možam stracić vielmi šmat jak čynoŭnikaŭ, tak i budaŭnikoŭ», — zajaviŭ jon.

Łukašenka adznačyŭ, što, jak jaho infarmujuć, kolkaść budaŭnikoŭ źmienšyłasia prykładna na 8% u paraŭnańni ź lepšymi časami. Hetym, u tym liku, tłumačycca zaciahvańnie terminaŭ budaŭnictva.

«U nas u 3–5 razoŭ pradukcyjnaść pracy ŭ budaŭnictvie nižejšaja, čym u Jeŭropie. Heta śviedčyć pra toje, što ŭ nas lišnija ludzi na budoŭlach, jakija viaducca.
Tamu treba pahladzieć, jak my budujem, jakaja tam arhanizacyja, jakaja zarabotnaja płata, — zaŭvažyŭ jon. — Pa maich nazirańniach, kali buduje zamožny pryvatnik, tam dzień i noč pracujuć ludzi, bo jany arhanizavali narmalna pracu i płaciać dobruju zarpłatu. I lišnich ludziej, biazładnaści tam niama».

Łukašenka taksama skazaŭ, što dziaržava dapamoža vyrašyć žyllovaje pytańnie tolki asobnym katehoryjam nasielnictva, a astatnija pavinny pra heta pakłapacicca sami.

«Spadziavacca, što dziaržava ŭsim pabuduje žyllo, kvatery, damy, jak i spadziavacca na toje, što dziaržava daść usim lhotny kredyt pad 5% — hetyja nadziei treba adkinuć», — skazaŭ jon.

«Dziaržava dapamoža tym, chto nie moža hetaha zrabić, a astatnija pavinny zarablać hrošy i ich układvać, u tym liku ŭ budaŭnictva», — padkreśliŭ jon.

Pavodle jaho słoŭ, dziaržava, pa abjektyŭnych pryčynach, nie moža ŭ raniejšych abjomach finansavać žyllovaje budaŭnictva. U suviazi z hetym, adznačyŭ A.Łukašenka, «nieabchodna šukaać alternatyŭnyja krynicy, bolš šyroka pryciahvać pryvatny biznes».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?