Biełaruś apynułasia na 3-m miescy samych nieemacyjnych krain śvietu. Pra heta śviedčyć apytańnie, praviedzienaje ŭ 150 krainach u 2009—2011 hh. ahienctvam pa vyvučeńni hramadskaj dumki Gallup.

Prybyćcio ciahnika na minskuju stancyju mietro

Prybyćcio ciahnika na minskuju stancyju mietro

Pieršaje miesca zaniaŭ Sinhapur, na druhim — Litva i Hruzija.

Sinhapurcy, niahledziačy na ​​vysokija ekanamičnyja dasiahnieńni i VUP pamieram $33,5 tys. na dušu nasielnictva, nie atrymlivajuć asałodu ad roskvitu krainy, a davoli skupa vykazvajuć svaje emocyi. Pra toje, što jany adčuvajuć štodnia nie mienš za dziesiać stanoŭčych i admoŭnych emocyj, zajavili tolki 36% žycharoŭ Sinhapura. Hety pakazčyk pryznany sacyjołahami samym nizkim u śviecie.

Samaj emacyjnaj krainaj, pavodle apytańnia, apynulisia biednyja Filipiny. Pra bahataje emacyjnaje žyćcio tut paviedamili 60% apytanych.

Daśledčykaŭ cikavili jak stanoŭčyja emocyi: zadavalnieńni, uśmieški, śmiech, radaść ad vučoby, paŭnavartasnaha adpačynku, tak i admoŭnyja — hnieŭ, stres, smutak, fizičny bol, kłopaty.

Druhoje miesca siarod samych nieemacyjnych krain było addadziena Hruzii i Litvie — pra emocyi i pačućci tam zajavili 37% respandentaŭ.

Biełarusy razam z Rasijaj, Ukrainaj, Kazachstanam, Kyrhyzstanam, Madahaskaram i Niepałam zaniała 3-je miesca. Emacyjnymi tut pryznali siabie 38% respandentaŭ

U liku samych emacyjnych krain taksama fihurujuć Salvador (57% apytanych štodnia adčuvajuć roznyja pačućci), Bachrejn (56%), Aman i Kałumbija (pa 55%). Na piatym miescy z vynikam 54% — Čyli, Kosta-Ryka, Kanada, Hvatemała, Balivija, Ekvador, Daminikanskaja Respublika, Pieru, Nikarahua i ZŠA.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?