Unikalnuju akcyju da jubileju klasykaŭ zładziła haradzkaja filija TBM sumiesna z kanałam «Mahiloŭ‑2».

U studzieni hetaha hodu mahiloŭskaja haradzkaja filija TBM prapanavała telekanału «Mahiloŭ‑2» realizavać sumiesny prajekt da 125‑hodździa Janki Kupały j Jakuba Kołasa. Žurnalisty adhuknulisia, a niadaŭna ŭ efiry źjavilisia pieršyja roliki.

Da 7 lipienia — dnia narodzinaŭ Janki Kupały — buduć hučać jahonyja tvory, paśla — vieršy Jakuba Kołasa, jaki naradziŭsia 3 listapada. Prajekt maje być da kanca hodu.

— Kali my vybirali farmat prajekta, dyk zhadali, jak našyja rasiejskija kalehi ŭšanoŭvali pamiać Puškina: tam jahonyja tvory čytali viadomyja ludzi, — kaža hałoŭnaja redaktarka kanału «Mahiloŭ‑2» Alena Barysava. — Ale my parailisia j vyrašyli, što mahčymaść pračytać vieršy našych pieśniaroŭ musić mieć kožny.

Dla prajektu vybirajucca ludzi roznaha ŭzrostu dy sacyjalnaha stanovišča. Jadnaje ich chiba što luboŭ da rodnaha słova.

Pieršymi adhuknulisia vykładčyki j studenty ŭniversytetu imia Arkadzia Kulašova, aktory mahiloŭskich teatraŭ. Cikava, što tvory Kupały hučać u efiry nia tolki na movie aryhinału: supołka ŭkraincaŭ uziałasia rychtavać čytańni na movie Tarasa Šaŭčenki. A ŭčora, kali ŭ Mahilovie była humanitarnaja misija ź Irlandyi, jaje pradstaŭniki čytali Kupału pa‑anhielsku.

Štodnia ŭ efiry źjaŭlajecca kala siami 30‑sekundavych rolikaŭ, dzie začytvajecca adzin‑dva słupki ź vieršaŭ dy paemaŭ klasyka.

Arhanizatary prajektu kažuć, što jość zaduma, kab pa televizii prahučali 125 słupkoŭ — pa kolkaści jubilejnych hadoŭ. Ale, kažuć jany, kali atrymajecca bolej, nichto nia budzie abmiažoŭvacca farmalnymi ličbami.

Arciom Bahdanaŭ, Polskaje radyjo dla zamiežža

Клас
0
Панылы сорам
0
Ха-ха
0
Ого
0
Сумна
0
Абуральна
0