Biełarusam ciapier zachoŭvać hrošy lepš u rublach. Taki punkt hledžańnia vykazaŭ 12 vieraśnia žurnalistam namieśnik staršyni praŭleńnia ZAT «MTBank» Ihar Byčak.
Dachodnaść rublovych źbieražeńniaŭ siońnia značna vyšejšaja ŭ paraŭnańni sa staŭkami valutnych depazitaŭ. Heta tendencyja prasočvajecca i z punktu hledžańnia kursu dołara, jaki praktyčna nie raście.
«Apošni hod ja sam farmiruju svaje źbieražeńni ŭ biełaruskich rublach, — pryznaŭsia Ihar Byčak.— Nacyjanalny bank Biełarusi pravodzić pravilnuju i hramatnuju palityku. Jon stymuluje banki źnižać dachodnaść pa valutnych układach i zachoŭvać abo pavialičvać pa rublovych».
«Siaredniaja dachodnaść pa valutnych układach roŭnaja 5–6%, a pa rublovych — 32–35%. Roźnica vielmi vialikaja», — adznačyŭ namieśnik staršyni praŭleńnia.
Siońnia narmatyŭ abaviazkovaha reziervavańnia pa valutnych resursach pavialičyŭsia. Tamu banki vymušany źnižać košt prapanavańnia, heta značyć pracentnyja staŭki pa valutnych układach. Razryŭ pamiž pracentnymi staŭkami pa ŭkładach u zamiežnaj valucie i ŭ biełaruskich rublach tym samym pavialičyŭsia.
Nočču ŭ Biełaruś zalacieli vosiem dronaŭ. Adzin amal dabraŭsia da miažy ź Litvoj3
Kamientary