Pra heta zajaviŭ Alaksiej Alaksiejeŭ — hienieralny dyrektar TAA «Abjadnanaja aŭtamabilnaja hrupa», u skład jakoha ŭvachodzić Ižeŭski aŭtazavod.

Pavodle słovaŭ Alaksiejeva, spynieńnie vytvorčaści «kłasiki» nie adabjecca na kolkaści piersanału zavoda, jaki ŭ dadzieny momant naličvaje 4,5 tysiačy čałaviek. Bolš za toje, zavod budzie nabirać jašče 200 supracoŭnikaŭ — pradpryjemstva pierajšło na dvuchźmienny režym pracy dziakujučy vychadu na zapłanavanyja abjomy vytvorčaści biudžetnaha siedana Lada Granta.

Partał Motor nahadvaje: siamiejstva vazaŭskaj «kłasiki» vypuskałasia z 1970 hoda, a na kanviejery zavoda «Ižaŭto» jano znachodziłasia z 2001 hoda. U apošnija hady dziaržaŭnaja prahrama ŭtylizacyi aŭtamabilaŭ pavialičyła popyt na mašyny hetaha siamiejstva, ale paźniej jon značna źmienšyŭsia, što i pryviało da rašeńnia ab zakančeńni vytvorčaści «kłasiki». Asnoŭnaja madel hetaha siamiejstva — Lada 2107 — była źniataja z kanviejera ŭ krasaviku hetaha hoda. Takim čynam, u nastupny paniadziełak kłasičnyja madeli «Žyhuloŭ» nazaŭždy syduć u historyju.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?