Labiedźka daŭ žaru ŭ televystupie: «vydać čynoŭnikam adzin pampiers na try dni»
Kiraŭnik AHP zajaviŭ, što kandydaty zdymucca, bo ŭ krainie niama svabodnych i praŭdzivych vybaraŭ.
Pavodle Anatola Labiedźki, dziejnaja ŭłada zaviała Biełaruś u ekanamičny tupik. Staršynia AHP skazaŭ, što 1 miljon biełarusaŭ musiŭ źjechać z krainy ŭ pošukach pracy, a jašče paŭmiljona faktyčna lišnija na svaich pradpryjemstvach.
U sacyjalnaj śfiery taksama pravał, miarkuje Anatol Labiedźka, i pryvodzić taki prykład: «Pavodle normaŭ u damach sastarełych adzin pampiers vydajecca čałavieku na try dni. Voś by biełaruskich čynoŭnikaŭ, viertykalščykaŭ, siłavikoŭ, ideołahaŭ u hety pampers na try dni. Tady, mahčyma, my mieli b adekvatnuju sacyjalnuju palityku».
Pavodle Anatola Labiedźki, toje, što ŭ Biełarusi 14 milicyjantaŭ na tysiaču žycharoŭ, a ŭ Vielikabrytanii -- 3, nie pradmiet honaru, bo biaśpieka krainy ŭsio roŭna nie harantavanaja, miarkujučy pa tym, što šviedski samalot pralacieŭ nad miažoj i skinuŭ plušavych miadźviedzikaŭ z zaklikami salidarnaści. Anatol Labiedźka nahadaŭ pra palitviaźniaŭ Mikałaja Statkieviča, Źmitra Daškieviča, Ihara Alinieviča, Alesia Bialackaha dy inšych. «Palitviaźni ŭ XXI stahodździ — heta nacyjanalnaja trahiedyja i ahulnajeŭrapiejskaja hańba», — miarkuje Anatol Labiedźka.
Cichanoŭskaja pavinšavała tvitar z hadavinaj bitvy pad Oršaj. I tut pačałosia6
Cichanoŭskaja pavinšavała tvitar z hadavinaj bitvy pad Oršaj. I tut pačałosia
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2727
Kamientary