Niekalki hadzin tamu ŭ pamiaškańnie ŭvarvalisia milicyja i ludzi ŭ štackim.
U ofisie kampanii «Havary praŭdu!» supracoŭniki milicyi viečaram 6 vieraśnia pravodziać vopis majomaści.
Jak paviedamiŭ kaardynatar vybarčaha štaba kampanii «Havary praŭdu!» Andrej Dźmitryjeŭ,
prykładna ŭ 18.30 u ofis pryjšoŭ učastkovy, jaki skazaŭ, što ŭ milicyju pastupiła skarha ad susiedziaŭ (ofis raźmieščany ŭ žyłym domie). U hety čas aktyvisty kampanii abmiarkoŭvali chod vybarčaha pracesu i mieli namier pahladzieć televystupleńnie kandydata ŭ deputaty ad «Havary praŭdu!» Taćciany Karatkievič.
Učastkovy milicyjanier vyklikaŭ padmacavańnie ź liku supracoŭnikaŭ haradskoha adździeła milicyi, jaki znachodzicca niepadalok. Jak adznačyŭ Dźmitryjeŭ, čaćviora milicyjanieraŭ pavodzili siabie «dastatkova karektna», razam z aktyvistami kampanii pahladzieli vystupleńnie Karatkievič, pierapisali pašpartnyja źviestki prysutnych u ofisie i pry hetym nikoha nie zatrymlivali.
Pa stanie na 20.00 supracoŭniki milicyi, pavodle słoŭ Dźmitryjeva, apisvali ŭ ofisie arhtechniku i ahitacyjnyja materyjały, padrychtavanyja dla kandydataŭ u deputaty na parłamienckich vybarach.Pry hetym pakul nieviadoma, ci budzie štości z apisanaj majomaści kanfiskavana, ale, jak skazaŭ Dźmitryjeŭ, «arhanizacyja rychtujecca da horšaha». Jon vykazaŭ mierkavańnie, što arhtechnika budzie kanfiskavana.
Dźmitryjeŭ źviazvaje hety incydent z udziełam «Havary praŭdu!» u parłamienckich vybarach.
«My vielmi aktyŭna pravodzim hetuju kampaniju nie tolki ŭ tych akruhach, dzie jość našy kandydaty ŭ deputaty, ale i tam, dzie ich niama. My razmaŭlajem ź ludźmi, tłumačym im situacyju, i, naturalna, heta nie moža nie niepakoić ułady, i vyklikaje ŭ ich takuju niervovuju reakcyju», —miarkuje kaardynatar vybarčaha štaba.
Varta adznačyć, što supracoŭniki milicyi nie pieraškadžali žurnalistam ŭ zdymkach navat padčas vopisu majomaści.
Siarhiej Pulša, BiełaPAN.
Va Ukrainie zahinuła 24-hadovaja biełaruskaja dobraachvotnica Maryja Zajcava17
Kamientary