Siarhiej Jarmolenka z žonkaj i novanarodžanaj dačkoj apynuŭsia na leśvičnaj kletcy pa voli svajho 80-hadovaha dzieda, jaki naadrez admoviŭsia puskać svajaka na paroh. Pa dakumientach chłopiec — paŭnapraŭny ŭłaśnik pałovy kvatery, adnak pažyły čałaviek z hetym mirycca nie choča.

Dačce Siarhieja tolki miesiac, pakul jana znachodzicca ŭ dziciačaj balnicy. Muž i žonka ž tulacca na čaćviortym i piatym pavierchach. Tut i impravizavany stoł, i łožak. Susiedzi nie mohuć abyjakava nazirać za tym, što adbyvajecca. «Nam heta niepryjemna», — zajaŭlajuć jany.

Pa prośbie susiedziaŭ i zdymačnaj hrupy 80-hadovy Mikałaj adkryvać kvateru nie staŭ. Daviałosia ŭzłomvać dźviery, paśla čaho Siarhiej zmoh zanieści ŭsiaredzinu sumki z rečami. Ale radaść, jak ličać žychary padjezda, budzie niadoŭhaj. «Projdzie krychu času, i stary znoŭ vykinie rečy», — kažuć jany. Vajna za kvateru doŭžycca nie pieršy hod.

Pavodle słovaŭ starejšaha inśpiektara Maskoŭskaha RUUS Bresta Alaksieja Karala, u piensijaniera jość važnyja pryčyny, kab nie puskać unuka: Siarhiej nie pracuje i nieadnarazova pryciahvaŭsia da adkaznaści:

— Pravodzilisia pravierki, rašeńnie suda vykonvałasia, usialeńnie adbyvałasia. Adnak uładalnik kvatery znoŭ pačaŭ vyhaniać svajaka tolki tamu, što apošni nie choča vypraŭlacca. Praciahvaje złoŭžyvać śpirtnymi napojami, viadzie amaralny ład žyćcia. Pryvodzić u kvateru ludziej, jakija taksama raśpivajuć śpirtnoje. Uładalnik baicca za majomaść.

Hetym razam, praŭda, Siarhiej zapeŭnivaje: pasprabuje damovicca ź dziedam, znajści ahulnuju movu. U maładoha čałavieka zastajecca prava źviarnucca ŭ sud, adnak u milicyi dumajuć, što vyrašać kanflikt treba inakš — źmianiŭšy ład žyćcia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?