Dvaccaty televizijny siezon prahrama «Vidźma-niavidźma» , jakaja paŭpłyvała na farmavańnie hustaŭ nie adnaho pakaleńnia, budzie vychodzić na «Biełsacie».

«Mnie cikava, što adbyvajecca z kulturami Uschodu, Poŭnačy, Poŭdnia, a nie tolki Zachadu, mianie zachaplaje muzyka, kino, tvorčaść, uvohule… mnie padabajecca „amierykanščyna“, „afrykanščyna“ dy „iaponščyna“… — kaža aŭtar i viadučy prahramy Siarhiej Filimonaŭ. — Ale

zdziŭlajuć durkavatyja zahady nie pakazvać na biełaruskim telebačańni pra „roznuju amierykanščynu“, pra Zachad, pra „čužuju“ kulturu…
Paśla zaviaršeńnia supracy z kanałam „Staličnaje telebačańnie“, my adpačyvali ceły hod. I ciaham usiaho hetaha času nie ścichała płyń mejłaŭ dy lictoŭ ad hledačoŭ.
Adšukalisia aktyŭnyja dobraachvotniki siarod amataraŭ našaj prahramy, jakija pisali listy padtrymki navat u ministerstvy dy na roznyja telekanały… Dziakuj im!
Ale, bačycie, dumki ludziej anijak nie paŭpłyvali na situacyju. Tamu ŭsio skłałasia naturalna. Ja sustreŭ na „Biełsacie“ ludziej, jakija prafiesijna, tvorča razvažajuć, jakija vydatna raźbirajucca ŭ źmiestach, u tych ci inšych kantekstach, u pastanovačnaj pracy, u pracesie televizijnaj vytvorčaści… Z kiraŭnictvam „Biełsatu“ nie było anijakich doŭhich dy niezrazumiełych havorak, heta nahadvała sustreču daŭnich znajomcaŭ.

Prahrama paŭstała ŭ 1992 h. Da 2002 h. vychodziła na BT, zatym da lipienia 2011 h. — na STV. Hety kanał, zdajecca, ciaham doŭhich hadoŭ byŭ samym žyvym» ź liku miascovych. Ale ništo nie ciahniecca viečna.

Dumajecie, pryjemna pačuć ad upłyvovych čynoŭnikaŭ prykładna nastupnaje: «Nu čto vy priviazaliś k etoj biełorusskoj movie, pieriechoditie na russkuju, srazu druziej u vas staniet bolšie…»
Ja rabiŭ vyhlad, što mnie ŭsio adno, ale prahramu zapichvali kudyś papoŭnačy, u niazručny dla hledačoŭ dzień, asabliva časta jana vychodziła ŭ efir apaśla niejkich poźnich chakiejnych tranślacyjaŭ… Urešcie, z nami prosta biez usialakich tłumačeńniaŭ ź lipienia 2011-ha nie praciahnuli kantrakt.

Ad samaha pačatku «Vidźma-niavidźma» vychodzić na biełaruskaj movie, što nadało dadatkovaj admietnaści prahramie dy złamała stereatyp: pa-biełarusku možna kazać pra art-chauz, pop-kulturu dy sučasnaje mastactva!

…Samaje pieršaje, piłotnaje vydańnie ŭ 1992 h. padrychtavali na rasiejskaj. Ale potym kiraŭnik redakcyi Piatro Kavalenka pierakanaŭ praciahvać na biełaruskaj.
Pa-pieršaje, mnie heta prosta spadabałasia, anijakaha fanatyzmu ni ź jakim (pravym ci levym) źmiestam nie było. Pa-druhoje, my adrazu vybilisia z «šerych šerahaŭ» BT (na padobnyja temy u 1993–1997 vychodziła ažno 10–15 cykłavych prahramaŭ tolki na adnym kanale). Dy ludzi addali nam palmu pieršynstva… U 2000-m navat hazieta «Sovietskaja Biełoruśsija» pastaviła nas na pieršy radok u svaim telerejtynhu.
Na «Biełsacie» «Vidźma-niavidźma» pačnie vychodzić ź vieraśnia ŭ kožny aŭtorak.

…Za 20 hadoŭ isnavańnia kancepcyja «Bidźma-niavidźma» źmianiałasia, vahałasia šmat razoŭ. I ŭ bok kulturnickich navinaŭ z usiaho śvietu, i ŭ bok viktarynaŭ z pryzami, i ŭ bok kino, i ŭ bok muzyki, i ŭ bok aŭtarskich ahladaŭ… Ale jakaja b kancepcyja ni była, jana adroźnivałasia sprobaju vychavać u hledača peŭny ŭzrovień hustu dy samastojnaść u spravie vyznačeńnia svaich kulturnych pryjarytetaŭ».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?