U Mahiloŭskaj vobłaści ciapier śpiektr małočnaj pradukcyi pradstaŭleny šyroka — «u roznaj upakoŭcy z dabaŭkami i biez dabavak»,
zajaviŭ 24 lipienia na pres-kanfierencyi ŭ Mahilovie načalnik upraŭleńnia handlu i pasłuh Mahiloŭskaha abłvykankama Aleh Bujanaŭ.

«Što da małaka nizkaj tłustaści, to ŭ tetrapakietach pradstaŭleny asartymient pradukcyi ad 1,5% da 3,8%. Tak, jon kaštuje nie tak, jak raniej, 1.800 rubloŭ za pakiet», — skazaŭ Bujanaŭ, padkreśliŭšy, što «tannaha małaka nie budzie».

Jon zhadziŭsia, što raniej mieli miesca pieraboi z pastaŭkaj małočnych praduktaŭ u mahaziny, źviazanyja z naładkaj abstalavańnia na AAT «Babulin hładyš», «ale siońnia hetych prablem niama».

«Akramia taho, siońnia ŭ Mahiloŭskaj vobłaści prysutničaje pradukcyja Minskaha małočnaha kambinata, „Małočnych horak“. U nas na rynku niama monapastaŭščyka», — skazaŭ čynoŭnik.

Nahadajem, u kancy maja pradstaŭniki apazicyjnych arhanizacyj Mahilova padali zajaŭki na praviadzieńnie pikietaŭ suprać prodažu ŭ mahazinach horada małaka z roznymi dabaŭkami.

«My patrabujem ad čynoŭnikaŭ: viarnicie nam čystaje małako!» — zajaviŭ tady staršynia Mahiloŭskaj abłasnoj arhanizacyi Abjadnanaj hramadzianskaj partyi Uładzimir Šancaŭ. Jon adznačyŭ, što ŭ mahazinach horada realizujecca małako, jakoje pieravažna ŭtrymlivaje roznyja dabaŭki, u pryvatnaści kalcyj abo vitamin S, kab štučna pavysić canu na hety pradukt. Spažyŭcy sutykajucca z prablemaj nabyćcia zvyčajnaha małaka, biez dabavak.

«Kali mnie patrebien kalcyj, ja schadžu ŭ apteku, a prymusova mnie davać praź mieru dabaŭki nie treba», — zajaviŭ inicyjatar akcyj pratestu.

28 červienia pasłu Polščy ŭ Biełarusi Lešaku Šarepku, jaki naviedvaŭ Mahiloŭ, było pieradadziena kala 40 podpisaŭ miascovych žycharoŭ z prośbaj da prezidenta hetaj krainy akazać biełarusam humanitarnuju dapamohu ŭ vyhladzie pastavak małočnych praduktaŭ bieź bijadabavak i premiksaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?