BBC Radio 4, čaćviorty kanał brytanskaha radyjo, zapisaŭ radyśpiektakl pra biełaruskich palitviaźniaŭ.

Siužet nastupny: Maryja Blin, dačka biełaruskaha palitviaźnia-žurnalista, jakaja pražyvaje ŭ Łondanie, źviartajecca da ajca Filipa, śviatara ŭ kaściole, dzie jana prychadžanka. Jana choča, kab jon paprasiŭ kaściolnaje kiraŭnictva źviarnucca da ŭradu Biełarusi z patrabavańniem vyzvalić palitviaźniaŭ.
Ale kaścioł nie choča iści im nasustrač: jon maje padpisać z Łukašenkam kankardat.

Tym časam baćka Maryi vymušany ciarpieć katavańni, dzialić kamieru z chvorym na suchoty, jamu nie dajuć nieabchodnyja leki — ale jon admaŭlajecca padpisać prašeńnie ab pamiłavańni na imia Alaksandra Łukašenki.

(Detali ŭziatyja z historyj realnych palitviaźniaŭ Sańnikava, Statkieviča, Fiaduty i inšych.)
A KDB Biełarusi pačynaje cisnuć na ajca Filipa z dapamohaj kampramatu…

«Kali b my byli jehipcianami ci siryjcami, nas by słuchali. Ale Biełaruś — heta jeŭrapiejskaja kraina, jakaja ŭsim abyjakavaja», kaža hierainia-biełaruska. «Biełaruś — heta zabytaje miesca pamiž mocnymi krainami. My majem svaju movu, ale Łukašenka nie lubić, kali my na joj razmaŭlajem&raquo.

Prasłuchać radyjośpiektakl možna tut:

http://www.bbc.co.uk/iplayer/episode/b01jhjcp/Afternoon_Drama_Belarus/

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?