Pytańnie palitviaźniaŭ zastajecca asnoŭnym va ŭzajemaadnosinach Jeŭrapiejskaha sajuza z uładami Biełarusi.
Ab hetym zajaviŭ kiraŭnik viedamstva fiederalnaha kanclera Hiermanii Ronald Pofała ŭ chodzie sustrečy ŭ Vilni viečaram 7 červienia z pradstaŭnikami hramadzianskaj supolnaści Biełarusi, paviedamiŭ adzin ź jaje ŭdzielnikaŭ — staršynia Abjadnanaj hramadzianskaj partyi Anatol Labiedźka.

«Pofała padkreśliŭ, što pytańnie palitviaźniaŭ zastajecca bolevaj kropkaj va ŭzajemaadnosinach Jeŭrapiejskaha sajuza i aficyjnaha Minska», — skazaŭ Labiedźka.

Kiraŭnik viedamstva fiederalnaha kanclera ličyć, što za hady znachodžańnia Alaksandra Łukašenki va ŭładzie situacyja ŭ Biełarusi nikoli nie była takoj składanaj i ciažkaj, adznačyŭ Labiedźka.

«Jon padkreśliŭ, što nie varta spadziavacca na cudy i niejkija chutkija pieramieny», — skazaŭ lidar AHP.

Pofała zakranuŭ pytańnie prymianieńnia ŭ Biełarusi śmiarotnaj kary. Pavodle słoŭ Labiedźki, niamiecki palityk padkreśliŭ, što rabiŭ sproby praduchilić niadaŭnija śmiarotnyja kary, ale ŭ jaho ničoha nie atrymałasia.

«I ŭ hetaj suviazi jon zajaviŭ, što adčuvaje vielizarnaje rasčaravańnie»,
— skazaŭ staršynia AHP. Kiraŭnik viedamstva fiederalnaha kanclera zajaviŭ, što aburany «palityčnaj instrumientalizacyjaj śmiarotnych pryhavoraŭ u Biełarusi».

Sam Labiedźka, pavodle jaho słoŭ, u chodzie sustrečy «zrabiŭ akcent na tym, što stratehijaj Jeŭrasajuza akramia pytańnia palitźniavolenych mohuć i pavinny stać sumlennyja i svabodnyja vybary pa jeŭrapiejskich standartach». «Heta moža być vyjściem z tupika, — zajaviŭ kiraŭnik Abjadnanaj hramadzianskaj partyi. — Buduć svabodnyja vybary ŭ Biełarusi — buduć pieramieny».

Maryna Adamovič, žonka eks-kandydata ŭ prezidenty Mikałaja Statkieviča, jaki dahetul zastajecca za kratami, raskazała na sustrečy ab situacyi ź jaje mužam, a taksama ab inšych palitviaźniach.

Padvodziačy vyniki sustrečy, Labiedźka padkreśliŭ, što važny sam fakt jaje praviadzieńnia ź niamieckim palitykam takoha vysokaha ŭzroŭniu, tym bolš što inicyjatyva zychodziła ad samoha Pofały.

«Heta jaho nie pieršaja sustreča. Jon užo dakazaŭ svaju zacikaŭlenaść biełaruskaj prablematykaj. Kali adzin ź viadučych niamieckich palitykaŭ cikavicca Biełaruśsiu, heta vialiki plus dla ŭsich nas», — skazaŭ staršynia AHP.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?