Anton Kašlikaŭ. Fota Nasta Sierhijenia.

Anton Kašlikaŭ. Fota Nasta Sierhijenia.

Anton Kašlikaŭ. Fota: Nasta Sierhijenia.

Anton Kašlikaŭ. Fota: Nasta Sierhijenia.

Vokładka da ramana «Byłyja». Aŭtar: Vital Sidaruk

Vokładka da ramana «Byłyja». Aŭtar: Vital Sidaruk

U elektronnym vydaviectvie «Piaršak» vyjšła novaja kniha maładoha biełaruskaha aŭtara Antona Kašlikava.

«Byłych» Kašlikava možna ličyć pieršym multymiedyja-ramanam u biełaruskaj litaratury. Ź videazvarotam aŭtara (u jakim na zadnim płanie smačna całujucca dźvie dzieŭki) i muzyčnym supravadžeńniem ad DJ Karnieja (dla amataraŭ čytać pad muzyku). Vokładku da ramana stvaryŭ Vital Sidaruk, aŭtar dvuch klipaŭ «Lapisa Trubiackoha» i frontmen hurta Wasp'n'Hornet.

Bolšaści internaŭtaŭ Anton Kašlikaŭ viadomy jak «śviecki reparcior» Micia Tarpiščaŭ, stvaralnik adnajmiennaha šoŭ.

I mała chto znajomy z Kašlikavym-piśmieńnikam.

«Vučycca na žurfaku, šanuje pryhožych panienak i piša mylnyja apaviadańni ź miadova-ramantyčnym pačatkam, biełaruskimi realijami i pa-žyćciovamu abłomnym kancom»,
tak charaktaryzavała aŭtara litaratarka Adela Dubaviec u dalokim 2005 hodzie.

U 2008 hodzie ŭ maskoŭskim vydaviectvie «AST» vyjšaŭ pieršy raman Kašlikava pad nazvaj «Łuzier». Tady 22-hadovaha chłapca «raśpirała» tvorčaść. Jon nie curaŭsia pikantnych scenaŭ dy maciarščyny. Za heta (i nie tolki) byŭ uščent raskrytykavany kulturołaham Julijaj Čarniaŭskaj:

«Mahčyma, Kašlikaŭ stanie piśmieńnikam…Kali daviedajecca, što słovazłučeńnie «zrabić seks» — nie śviežy vobraz, a drennaja kalka z anhlijskaj…A hałoŭnaje — kali jamu budzie što skazać».

Svoj novy raman Kašlikaŭ pisaŭ najpierš dla siabie.

«Mnie było cikava pahavaryć usłych z samim saboj pra niejkija rečy, jakija mianie turbujuć. Jakija, napeŭna, cikaviać i maich adnahodkaŭ ź Biełarusi, Rasii i Ukrainy».

Na jaho dumku, nadyjšoŭ čas znachodzić novyja šlachi prasoŭvańnia knih. Šmat jakija vydaŭcy sočać za tym, kab ich knihi, barani boža!, nichto nie aličbavaŭ i nie vykłaŭ u internet. Ale heta nahadvaje baraćbu ź vietrakami, bo ŭsie adno kniha źjavicca ŭ siecivie. Dyk ci nie praściej adrazu vydavać elektronny varyjant?

Hieroi ramana «Byłyja» — maładyja chłopiec i dziaŭčyna, jakija ŭ 20 hadoŭ vyrašajuć pačać surjoznaje darosłaje žyćcio, źviazać siabie šlubam.

«Ja na takija dziejańni nie vyrašaŭsia i nie vyrašyŭsia. Mnie było paciešna nazirać za hetymi ludźmi z boku. Tamu ja vybraŭ u jakaści svaich hierojaŭ takuju paru i pasprabavaŭ apisać historyju ich adnosinaŭ», — kaža Anton.

Razam z tym, jon nie ličyć svaju knihu luboŭnym ramanam ci siamiejnaj sahaj. U hierojach čytačy lohka paznajuć siabie samich u peŭnych abstavinach postsavieckaj rečaisnaści.

«Ja pisaŭ «Byłych» dastatkova doŭha, i doŭha redahavaŭ. Heta była bolš surjoznaja praca.

Kali raman «Łuzier» byŭ takim 100-adsotkavym zadavalnieńniem, to tut było 70% zadavalnieńnia i 30% pracy».

Pa ironii losu, siarod pieršych čytačoŭ «Byłych» — ciapier užo byłaja dziaŭčyna Antona.

«Maja na dadzieny momant byłaja dziaŭčyna, pračytaŭšy hety raman, peŭny čas staviłasia da mianie z našmat bolšaj piaščotaj»,
raspaviadaje aŭtar.

U płanach maładoha piśmieńnika — napisać zbornik karotkich apaviadańniaŭ. Stvarać vialikija teksty — heta asablivy vid zadavalnieńnia i bolu, «sadamazachiscki praces», žartuje Kašlikaŭ. Jašče adna mara, jakaja raniej ci paźniej stanie realnaściu, — napisać scenar dla dla filma.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?