Časovyja abmiežavańni nahruzak na letni pieryjad pačali dziejničać u Biełarusi na respublikanskich darohach z 20 maja, paviedamiła pres-słužba departamienta «Biełaŭtadar».

Zhodna z pastanovaj Ministerstva transpartu i kamunikacyj, z 20 maja pa 31 žniŭnia ŭ dzionny čas sutak (z 11.00 da 21.00) pry tempieratury pavietra vyšej za 25°S abmiažoŭvajecca ruch transpartnych srodkaŭ z nahruzkaj na adzinočnuju voś bolš jak 6 ton pa respublikanskich aŭtamabilnych darohach z asfaltabietonnym pakryćciom.

Ruch zhadanaha aŭtatranspartu dazvoleny ŭ načny čas z 21.00 viečara da 11.00 ranicy.

Varta zaznačyć, što časovyja abmiežavańni nie raspaŭsiudžvajucca na pieravozki pasažyraŭ, žyvych žyvioł, kvietak, hruzaŭ humanitarnaj dapamohi, bietonnych i asfaltabietonnych sumiesiaŭ, niebiaśpiečnych hruzaŭ, skorapsavalnych hruzaŭ, nasiennaha fondu i pieravozak, źviazanych z praduchileńniem abo likvidacyjaj nadzvyčajnych situacyj.

Na aŭtamabilnych darohach ustanoŭleny časovyja darožnyja znaki, dla transpartnych srodkaŭ, jakija traplajuć pad abmiežavańni, vyznačany placoŭki i miescy adstoju. Za pieramiaščeńniem «ciažkavahavikoŭ» arhanizavany pastajanny kantrol. «Za paškodžańni daroh, vyklikanyja pieramiaščeńniem z parušeńniem abmiežavańniaŭ, vinavatyja buduć pryciahvacca da adkaznaści ŭ adpaviednaści ź dziejnym zakanadaŭstvam», — padkreślili ŭ «Biełaŭtadary».

Jak patłumačyli ŭ departamiencie, abmiežavańni abumoŭlenyja tym, što pry vysokich stanoŭčych tempieraturach defarmacyjnyja i tryvałasnyja ŭłaścivaści darožnych pakryćciaŭ istotna paharšajucca. Praściej kažučy, asfaltabietonnaje pakryćcio ŭ hety čas pad uździejańniem pavyšanych vosievych nahruzak transpartu defarmujecca, što pryvodzić da stvareńnia ŭvahnutaściaŭ, zruchaŭ, buhroŭ i ŭpadzin, da źjaŭleńnia kalain. U vyniku narodnaja haspadarka niasie ŭnušalnyja straty. Aprača taho, stvarajecca zusim realnaja pahroza biaśpiecy darožnaha ruchu. Tamu pastanovy ab abmiežavańni ruchu aŭtatranspartu prymajucca štohod.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?