Mierkavańni33

Pucin 3.0. Jakoj budzie Rasija?

Pra pierśpiektyvy i pahrozy, jakija niasie pieraabrańnie Pucina, piša Ryhor Astapienia.

Rasija nikoli nie była i nie budzie stabilnaj krainaj. Niahledziačy na ekanamičny rost za apošnija 12 hadoŭ, Rasija dahetul zastajecca zaniadbanaj krainaj. Adnak jana zachoŭvaje svoj vysoki status u našym rehijonie i dalej budzie adyhryvać vialikuju rolu ŭ biełaruskaj palitycy.

Unutranaja palityka

Varta adrazu zaznačyć, što masavyja pratesty, jakija my nazirali hetaj zimoj, źviazanyja nie tolki z asobaj prezidenta Pucina, a pieradusim z karumpavanaj strukturaj ułady, jakaja dahetul funkcyjanuje ŭ Rasii.
Usie ŭśviedamlajuć, što siońniašniuju «viertykal» nieabchodna źmianiać, ale kali adna z hałoŭnych asablivaściaŭ struktury — mienavita karumpavanaść, to ciažka ŭjavić sabie sapraŭdnyja reformy. Chutčej mahčymy varyjant «a-la palicejskaj» reformy, jakaja faktyčna skončyłasia źmienaj uniformy i nazvy. Časta možna pačuć, što rasijskija kiroŭnyja elity nie chočuć refarmavać palityčnuju madel, bo bajacca, što moža być razburanaja ŭsia kraina. Adnak
kab paźbiehnuć dalejšaha rostu niezadavolenaści, pucinski režym budzie vymušany pajści na častkovyja sastupki demakratyčnym kołam i zrabić palityčnaje žyćcio Rasii bolš prazrystym.
U advarotnym vypadku stabilnaść usioj palityčnaj sistemy Rasii moža być padvierhnutaja niebiaśpiecy dalejšaha abureńnia rasijanaŭ i, jak vyniku, sacyjalnamu vybuchu.

Paśla Bałotnaj častka zachodnich ekśpiertaŭ trapiła ŭ pastku dumki pra mahčymyja vialikija źmieny ŭnutry rasijskaj kiroŭnaj elity. Adnak čas pakazaŭ, što raniejšaja kolkaść pratestoŭcaŭ niekrytyčnaja dla režymu Pucina, a prademakratyčnaja apazicyja nie nastolki papularnaja, kab zaniać najvyšejšyja pasady va ŭładzie.

Vialikuju rolu dla ŭnutranaj palityki Rasii taksama budzie mieć jaje zaniadbanaść: ałkahalizm, narkamanija, adsutnaść pierśpiektyvaŭ dla ludziej, litaralnaje vymirańnie rasijanaŭ, emihracyja kapitału, 13% rasijanaŭ žyvuć nižej za ŭzrovień halečy.
Štohod kolkaść karennych žycharoŭ Rasii skaračajecca na 250 tysiač čałaviek. Adnak kraina papaŭniajecca prykładna takoj samaj kolkaściu mihrantaŭ. Faktyčna, kolkaść nasielnictva zastajecca toj samaj, ale z usio mienšaj dolaj karennych žycharoŭ. Ale trend pryrostu mihrantaŭ moža i nie zachavacca. U takim razie,
zhodna z prahnozami Prahramy raźvićcia AAN, Rasija da 2025 hoda stracić 11 miljonaŭ žycharoŭ.

Ekanomika

Na vialikaje ździŭleńnie, Rasija abrała šlach dałučeńnia da Suśvietnaj handlovaj arhanizacyi.
Na pieršy pohlad, vialikaj zacikaŭlenaści dla Rasii ŭ hetym niama, bo 66% ekspartu Rasii — heta enierharesursy. Adnak dałučeńnie da SHA pradyktavanaje žadańniem mieć hołas u suśvietnaj ekanomicy, a nie sapraŭdnym namieram libieralizavać haspadarku.

Niahledziačy na heta,

zhodna z prahnozam PricewaterhouseCoopers, Rasija ŭžo ŭ 2014 hodzie abhonić ekanomiku Hiermanii pa VUP zhodna z parytetam nabyŭčaj siły.
Što, adnak, zusim nie aznačaje jakasnych źmienaŭ u ekanomicy Rasii: pakul enierharesursy pradajucca pa vysokaj canie, zahadvać niejkija haspadarčyja reformy dosyć ramantyčna. Rasija dahetul maje «hałandskuju chvarobu», kali syravinnaja pramysłovaść ciahnie rehres inšych siektaraŭ haspadarki. Kab źmienšyć upłyŭ «hałandskaj chvaroby», Rasija, na prykład inšych dziaržavaŭ ź vialikimi zapasami syraviny, jak Narviehija ci Kuviejt, uzmacniła svoj stabilizacyjny fond. Siońnia jon składaje bolej za 150 miljardaŭ dalaraŭ, a jaho pamier časta nazyvajuć dasiahnieńniem Pucina i niepasredna byłoha ministra finansaŭ Kudryna. Sami Niderłandy «vylečylisia» dziakujučy inviestycyjam u mały i siaredni biznes. Adnak ci šmat ludziej choča rabić biznes u dziaržavie pravavoha biaźmiežža i karupcyi, jak Rasija? Abjom karupcyi ŭ Rasii Transparency International aceńvaje ŭ 300 miljardaŭ dalaraŭ — čverć VVP.

Kali Pucin pryjšoŭ da ŭłady, barel nafty kaštavaŭ kala 25 dalaraŭ. Siońnia jon kaštuje bolš za 100. Ale ci dastatkova hetaha, kab zachavać ekanomiku Pucina? I ci nie ruchnie jana ŭ vypadku padzieńnia cenaŭ na naftu?

Zamiežnaja palityka

Adna z hałoŭnych idejaŭ nastupnych šaści hadoŭ kiravańnia Pucina Rasijaj — heta adbudova raniejšaj impieryi. Ale nichto nie chavaje, što Rasija sama musić płacić za byćcio impieryjaj. Nichto, navat Łukašenka, nie budavaŭ by z Rasijaj nijakich stasunkaŭ, kali b hetyja stasunki nie kanviertavalisia ŭ finansavuju padtrymku.

Važnaje značeńnie dla Rasii budzie zachoŭvać Jeŭropa.

Rasijskaje kiraŭnictva budzie dalej sprabavać zrabić Jeŭropu zaležnaj ad pastavak enierharesursaŭ. Adnak Rasija, bieź pierabolšvańniaŭ, zaležnaja ad Jeŭropy nie mienš, čym Jeŭropa ad Rasii (mahčyma, navat bolš).
U rasijska-jeŭrapiejskich stasunkach maje miesca dylema enierhietyčnaj biaśpieki: kali Jeŭropa dyviersifikuje svoj impart ad rasijskich enierharesursaŭ, to i Rasija budzie vymušanaja dyviersifikavać svoj ekspart. Tamu Rasija zacikaŭlenaja ŭ dobrych stasunkach ź Jeŭropaj.

Stasunki z ZŠA buduć abumoŭlenyja niesupadzieńniem hałoŭnych intaresaŭ, a taksama kaštoŭnaściaŭ, jakija dahetul adyhryvajuć u palitycy ZŠA važnuju rolu.

Abarona

Tolki ličby: da 2014 hoda vydatki Rasii na abaronu vyrastuć na 180%, ažno 19% biudžetu budzie iści na vojska (u bolšaści krainaŭ NATO — da 2%).
Vidavočna, što Pucin adbudovu impieryi taksama źviazvaje z rostam militarnaj siły, jakaja moža być užytaja suprać susiedziaŭ. ADKB maje stać instrumientam Pucina dla viartańnia svajoj raniejšaj mocy na prastorach byłoha Savieckaha Sajuza.

Rasija dalej budzie zachoŭvać dosyć vostruju rytoryku ŭ dačynieńni da NATO dla patrebaŭ unutrypalityčnaha rynku, choć rasijskija kiraŭniki dakładna viedajuć, što Paŭnočnaatłantyčny aljans nie źjaŭlajecca aktualnym voraham, a mahčyma, heta navat sajuźnik. Pieradusim niebiaśpieku vyklikaje ŭsio bolšaja moc Kitaja i mihracyja kitajcaŭ.

Biełaruska-rasijskija stasunki

Meta dziejańniaŭ rasijskich uładaŭ u Biełarusi vidavočnaja — inkarparacyja krainy. Ale varta zaŭvažyć, što źmianiłasia taktyka: ciapier zamiest palityčnaj intehracyi abrany šlach intehracyi ekanamičnaj. Niaciažka zdahadacca, što jak tolki Rasijaj buduć nabytyja ŭsie pažadanyja pradpryjemstvy, mohuć adbycca i palityčnyja źmieny.

Usim viadoma, što pamiž Łukašenkam i Pucinym zdaŭna nijakich ciopłych pačućciaŭ niama. Navat niahledziačy na aŭtarytarnaje padabienstva ich režymaŭ. Ale Pucin budzie apłačvać isnavańnie Łukašenki, bo siońniašni Łukašenka — zusim nie toj, što niekalki hadoŭ tamu: siońnia Łukašenka padpisvaje ŭsie damovy, prapanavanyja Maskvoj, pradaje biełaruskija pradpryjemstvy i achvotna idzie ŭ Jeŭrazijski sajuz.

Pryčynaŭ, kab Pucin pierastaŭ finansavać aŭtarytarny režym Łukašenki, pakul niama.
I Łukašenka heta razumieje: navat na biełaruskaje vojska ŭžo prosić hrošy.

Darečy, Pucinu prosta niama kaho padtrymlivać u asiarodku biełaruskaj apazicyi — mocnych prarasijskich kandydataŭ u Biełarusi niama. A zalacańni niekatorych kandydataŭ u časie vybaraŭ-2010 nikim u Kramli surjozna ŭspryniatyja nie byli.

Kamientary3

Maładoj ajcišnicy pahražaje da dziesiaci hadoŭ kałonii za achviaravańni Ukrainie1

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Usie naviny →
Usie naviny

Pamior mastak Valeryj Čajka. Jon afarmlaŭ minskaje mietro

Zialenski pra zajavu Budanava pra nastup Rasii z poŭnačy: Jaho nie tak zrazumieli1

Ralf Šumachier ździejśniŭ kaminh-aŭt16

Jakimi buduć vybary 2025 hoda? Razvažajuć Viačorka, Łatuška i Šrajbman51

Jak vyhladaje čarha pa vadu ŭ Mazyry6

Jašče adna achviara ŭrahanu: u Śvietłahorsku dreva zabiła 90-hadovaha mužčynu

Ukraincaŭ spytali, ci pryjšoŭ čas pačynać pieramovy z Rasijaj — vyniki sacapytańnia1

«Paśpieli raźvitacca z žyćciom». Vidavočcy raskazali pra śmiarotny ŭrahan na Vilejskim vadaschoviščy5

TEST: Ci dobra vy viedajecie historyju biełaruskich habrejaŭ?

bolš čytanych navin
bolš łajkanych navin

Maładoj ajcišnicy pahražaje da dziesiaci hadoŭ kałonii za achviaravańni Ukrainie1

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Hałoŭnaje
Usie naviny →