Pieramožcaju zrabiłasia hrafičnaja dyzajnierka ź Miensku Marharyta Kanavałava. Na piarednim baku bileta vyjaŭleny frahmient karciny Ivana Chruckaha «Partret nieviadomaj z kvietkami i fruktami». I na piarednim, i na zadnim bakach bileta prysutničajuć elemienty muziejnaj architektury.

Hrašovaju premijaj pamieram 3,5 młn rub. Marharytu Kanavałavu ŭznaharodziŭ partnior muzieju – pradpryjemstva «British-American Tabacco Trading Company».

«Mabyć, dyzajnierka vybrała mienavita hety frahmient tamu, što minuły hod byŭ abvieščany hodam Chruckaha, prajšło niekalki cikavych, jarkich vystavaŭ hetaha mastaka – u Biełarusi, Litvie, Paryžy; vyjšli manahrafii, pryśviečanyja jamu», – prakamientavała zahadčyca adździełu navukova-aśvietnaj dziejnaści Nacyjanalnaha mastackaha muzieju Iryna Skvarcova.

Darečy,

frahmient zhadanaj karciny Chruckaha možna ŭbačyć i na kupiury naminałam 1 tys. rub.
«Dumaju, asacyjacyja z tysiačnaju kupiuraju tut prostaja. Mahčyma, tut jość niejkaja iraničnaść, ułaścivaja postmadernizmu, i heta było pryciahalnym dla siabraŭ žury, jakija prahałasavali za hetuju pracu», – adznačyła Iryna Skvarcova.

Pavodle jaje, samym ciažkim u vyznačeńni pieramožcy byŭ prykładna adnolkavy ŭzrovień majsterstva padadzienych na konkurs pracaŭ. «Pry acency pracaŭ na pieršy płan vychodzili farmalnyja pryjomy – pytańni kampazicyi, kałarytu, vobraznaści», – padkreśliła pradstaŭnica muzieju.

Dla školnikaŭ bilet u Nacyjanalny mastacki muziej kaštuje 5 tys. rub., dla studentaŭ – 8 tys., darosłyja płaciać 20 tys. rub.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?