Kultura1111

Micia Tarpiščaŭ: «Na BT pajdu paśla źmieny hałoŭnaha ńjusmejkiera»

Śviecki reparcior 34mag.net — pra Michałka, «MiciaTV» dy pierchać na pinžakach biełaruskich «zorak».

«Śviecki» reparcior anłajn-časopisa 34mag.net Micia Tarpiščaŭ raspačaŭ novaje šou — "MiciaTV". U pieršym vypusku jon zavitaŭ u hrymiorku da Michałka.

U raniejšych svaich prajektach niepieradavalny pravakatar Micia zadavaŭ niazručnyja pytańni biełaruskim «zorkam» dy skandaliŭ ŭ kadry. Novy prajekt vyjšaŭ bolš surjozny.

NN: Čamu vyrašyŭ źmianić farmat šou?

MT: Navat samy lepšy žart možna paŭtaryć dva, nu, try razy. Potym užo nie śmiešna.

Zorki, nie zadziejničanyja ŭ prahramach, praktyčna skončylisia. Padychodzić da tych samych piersanažaŭ pa piać razoŭ niecikava. Dy i Micia rabiŭsia ŭsio bolš viadomym, i efiekt niečakanaści nie spracoŭvaŭ.
Tamu vyrašyli złamać staruju paradyhmu.

Padumali, što nam samim było b cikava rabić. Vyrašyli papracavać z žanram «repartaž». Pakinuć aŭru i enierhietyku staroha Mici, dadać da jaje infarmatyŭnaści, insajdu.

Siužet z kancerta Lapisaŭ ličycca pierachodnym etapam. Tam jašče šmat «staroha» Tarpiščava. Ale ci viedajecie vy, što Michałok zaraz u pryncypie nie daje intervju? Adnak nam udałosia ź im pahutaryć.

«Tarpiščaŭ Crew» - repartaž z kancerta Michałka ŭ Maskvie.

NN: Jak ty pačuvaŭ siabie pobač ź Michałkom?

MT: Pobač ź im adčuvaŭ siabie abaroniena.

Michałok — unikalny čałaviek. Jamu nie treba zadavać pytańni. Usio patrebnaje jon kaža sam. Važna jamu nie pieraškadžać.

NN: Ty kažaš, biełaruskija zorki skončylisia. A «skaryć Maskvu» nie dumaŭ? Tam ich choć hać haci…

MT: Chiba kali pakličuć na kanał «Nastalhija».

Skarać Maskvu — heta niešta z 90-ch. U sučasnych realijach treba skarać Paŭdniovuju Amieryku,
raźvivać sielskuju haspadarku ŭ Afrycy, zmahacca suprać rasizmu ŭ paŭnočnych štatach Amieryki. Miežaŭ nie isnuje, heta padmanka dla lanivych.

NN: Jakija jany, biełaruskija zorki, zblizku?

MT: Dy narmalnyja chłopcy i dziaŭčaty! Ad kahości pachnie dobraj parfumaj, u kahości pierchać na pinžaku.

Ničoha niezvyčajnaha.

NN: Jak ty aceńvaješ papiarednija šou? Jakoje ź ich tvajo lubimaje?

MT: Nam było viesieła, heta fakt. Zaadno ŭdałosia paviesialić jašče peŭnuju kolkaść ludziej. Niadrenna pahareźničali na «Słavianskim bazary».

Dachodzili čutki, što paśla hetaha dyrektar fiestyvalu razahnaŭ pres-słužbu, jakaja nas akredytavała.

Važna, što pierad nami nie było nijakich zabaviazańniaŭ i kantraktaŭ. Nam nie treba «hnać chvalu», zdymać pa vypusku ŭ tydzień. U nas jość nieapisalnaje ščaście pracavać u svajo zadavalnieńnie. Čym my i płanujem zajmacca.

Šou «Raźvitańnie słavianki»

NN: Jak udajecca prarvacca da zorki? Ci prosta było trapić na Dzień narodzinaŭ da Niny Bahdanavaj?

MT: U hetym niama nijakich prablem. Składaniej — nie padyści da zorki. My admovilisia ad vializnaj kolkaści zaprašeńniaŭ na «paci», bo kali nas ludzi sami kudyści kličuć, u hetym adčuvajecca padvoch.

«Debiut va ŭsie ščyliny» — pieršaje šou Mici Tarpiščava

NN: U šou ty vypivaješ u kadry, abdymaješsia ź dziaŭčatami. Jak da hetaha stavicca tvaja dziaŭčyna?

MT: Maja dziaŭčyna nie havoryć i nie razumieje pa-rasiejsku. Heta zdymaje šmat prablem [žartuje - NN].

NN: Niejak ty pisaŭ u sacsietcy, što była prapanova pracavać na adnym ź dziaržkanałaŭ. Za jakija hrošy pajšoŭ by na BT?

MT: Prapanovy byli nie tolki ad BT, ale i ad inšych kanałaŭ. Razmova ni razu nie dachodziła da hrošaj. Micia admaŭlaŭsia ad hetaha chvalujučaha momantu ŭ pieramovach.

Micia z zadavalnieńniem budzie pracavać na BT. Ale tolki paśla taho, jak na hetym kanale źmienicca, skažam tak, hałoŭny ńjusmejkier.

NN: Micia, a kali ty ŭžo sam stanieš zorkaj? Zaśpiavaješ, tam, ci pačnieš vieści «Zorki na lodzie»?

MT: Kali ja stanu zorkaj, ja zaviadu pres-słužbu, jakaja budzie rassyłać pres-relizy v farmacie 3D. Bo pres-relizy — heta sučasnaja mifałohija. Ich pavinna być jak maha bolš!

NN: Što paraiš biełaruskim dziaŭčatkam, jakija marać prabicca na scenu? Što treba zrabić, kab «na zaŭtra pračnucca znakamitym»?

MT: Vučyć anhlijskuju movu, zajmacca sportam, pić markoŭny freš i nie siadzieć «Vkontaktie» pa viečarach. Nie čakali ad mianie takoha, tak?

U Biełarusi ŭsio lohka, u tym liku pračnucca znakamitym. Samaje składanaje pačynajecca paśla taho, jak pračnuŭsia.
Vielmi chutka chočacca znoŭ zasnuć.

Kamientary11

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Usie naviny →
Usie naviny

Łatvija z 16 lipienia zabaraniaje ŭjezd mašyn ź biełaruskimi numarami 3

Lidzija Jarmošyna pra svaje strachi ŭ 2020: Z parłamienta prabirałasia čornymi chadami11

U časie bury mocna paciarpieli ptuški. Adziny ŭ krainie prytułak dla ich nie daje rady — jamu patrebnaja dapamoha

Ukrainskija ambicyi mieć F-16 raźbivajucca ab moŭny barjer, uźlotna-pasadačnyja pałosy i zapčastki — Bloomberg29

Cierciel zajaviŭ, što Ukraina adviała vojski ad biełaruskaj miažy jašče 3—4 lipienia1

«Au! Kudy vy źnikli?» Jak minčanka pierajhrała kvaternych afierystaŭ

Biez elektryčnaści zastajecca 851 nasieleny punkt Homielskaj vobłaści. U Mazyry niama śviatła, vady, nie pracujuć pradpryjemstvy

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

bolš čytanych navin
bolš łajkanych navin

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Hałoŭnaje
Usie naviny →