Nahadajem, što Alaksandr Łukašenka padčas naviedvańnia Homielskaj vobłaści daručyŭ naładzić u Biełarusi vytvorčaść i pierapracoŭku marmurovaha miasa.

«Marmurovamu miasu być. My naładzim asobnuju pierapracoŭku, razam znojdziem rynki realizacyi i budziem pradavać», — skazaŭ jon.

«Treba svaich ludziej pryvučać da narmalnaha miasa
i liški realizoŭvać u Maskvu», — zajaviŭ Łukašenka.
Tut.by pacikaviŭsia, dzie možna ŭ Minsku pajeści marmurovaha miasa.

U restaranie «Newman» prapanavali stejki z kanadskaj jałavičyny «u siarednim pa 300–350 tysiač». Adna porcyja ad 300 da 500 hram.

U restaranie «Bella Rosa» — čatyry vidy stejku z aŭstralijskaha marmurovaha miasa. «Jość strypłojn, Błek Anhus — heta treciaja, čaćviortaja stupień marmurovaści. Zatym idzie prajm rybaj-stejk i samy sakavity ź jałavičyny Vahu», — pieraličyła administratar.

Košty ad 430 tys. da 590 tys. za porcyju.
«Porcyja prykładna 290 hram», — udakładniła naša surazmoŭnica.

U restaranie «Falcone» stejki taksama z aŭstralijskaj jałavičyny. Porcyi bolš važkija, čym u «Bella Rosa» — pa 420 hram. Ale i ceny, mabyć, samyja vysokija ŭ horadzie. «Treciaja stupień budzie kaštavać 778 tys. rubloŭ. — I piataja stupień 1 młn 82 tys.».

Клас
0
Панылы сорам
0
Ха-ха
0
Ого
0
Сумна
0
Абуральна
0