Namiečany kompleks mierapryjemstvaŭ pa baraćbie advakatury sa złačynnaściu. Ab hetym paviedamiŭ staršynia Biełaruskaj respublikanskaj kalehii advakataŭ Viktar Čajčyc, vystupajučy 5 krasavika na mižnarodnajnavukova-praktyčnaj kanfierencyi, što prachodzić u Akademii MUS.
«Na žal, časam u hramadstvie bytuje takoje mierkavańnie, što advakat u siłu svajoj prafiesijnaj dziejnaści nie zmahajecca sa złačynnaściu, a, chutčej, abaraniaje jaje. Heta nie tak. Na samoj spravie advakat sprabuje ŭsimi zakonnymi sposabami apraŭdać nie samo złačynstva, a čałavieka, jaki abvinavačvajecca va ŭčynieńni złačynstva. I ad taho, nakolki prafiesijna i jakasna spracuje advakat, šmat u čym zaležyć ustanaŭleńnie iściny pa spravie <…> Kali b advakaty zaŭsiody pracavali jakasna, nie saromielisia spračacca sa śledstvam, pisali skarhi va ŭsie instancyi, to pamyłak było b našmat mienš», — zajaviŭ Čajčyc.
Jon adznačyŭ, što
siońnia zakanadaŭstvam advakatu dadzieny vialikija pravy pa zbory dokazaŭ.«Praktyki viedajuć, što heta — vielizarnaja dapamoha śledstvu», — skazaŭ Čajčyc. Kiraŭnik respublikanskaj kalehii advakataŭ taksama nazvaŭ adnu z zadač advakackaj supolnaści — pieravychavańnie abvinavačvanaha, pakolki abaronca znachodzicca ź im u bolš davierlivych adnosinach, čym śledčy.
«Liču, što advakatura jašče niedastatkova vykarystoŭvajecca dla taho, kab vieści prafiłaktyku siarod pravaparušalnikaŭ. Heta naša niedapracoŭka. Namiečany kompleks mierapryjemstvaŭ pa baraćbie sa złačynnaściu, jak by heta ni hučała dziŭna», — skazaŭ Čajčyc.
Jon taksama adznačyŭ, što rola advakata ŭ baraćbie sa złačynnaściu nie takaja prykmietnaja i vidavočnaja, «ale jana vielmi važnaja». «Vielmi b chaciełasia, kab rabotniki pravaachoŭnych orhanaŭ bačyli ŭ advakacie nie pracesualnaha sapiernika, a pierš za ŭsio pamočnika va ŭstanaŭleńni iściny pa spravie», — padkreśliŭ staršynia Biełaruskaj respublikanskaj kalehii advakataŭ.
Vyjšła na svabodu Antanina Kanavałava, davieranaja asoba Cichanoŭskaj u 2020 hodzie1
Kamientary