Stvareńnie vydavieckaha doma «Źviazda» nie źmienić kancepcyi vydańniaŭ, jakija ŭvachodziać u jaho. Pra heta zajaviŭ siońnia ŭ čas mierapryjemstvaŭ u honar 80-hodździa haziety «LiM» namieśnik dyrektara RVU «Litaratura i mastactva» Aleś Badak.

«Pakul kankretnych krokaŭ pa abjadnańni redakcyi haziety» Źviazda» i chołdynhu «Litaratura i mastactva» nie zroblena. Heta składany praces, jaki zojmie nie adzin miesiac. U vyniku kancepcyi vydańniaŭ, jakija ŭvachodziać u novaje abjadnańnie, nie źmieniacca. Na tvorčuju dziejnaść žurnalistaŭ hetyja pieramieny nijak nie paŭpłyvajuć», — zajaviŭ Aleś Badak.

Havoračy ab tradycyjach litaraturnaj žurnalistyki Biełarusi, jon vykazaŭ nadzieju, što ad abjadnańnia z redakcyjaj haziety «Źviazda» vydańnia chołdynhu «Litaratura i mastactva» tolki vyjhrajuć, u tym liku ŭ płanie palapšeńnia materyjalnaha stanovišča.

Płanujecca, što ŭ novy vydaviecki dom uvojduć hazieta «Źviazda» i redakcyjna-vydavieckaja ŭstanova «Litaratura i mastactva».

U strukturu RVU «LiM» uvachodziać hazieta «Litaratura i mastactva», časopisy «Połymia», «Maładość», «Nioman», «Vožyk».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?