«Buvette»

vuł. Rakaŭskaja, 34

pn.-niadz. 9.00–23.00

«Buviet» (z naciskam na pieršy skład) — tak nazyvajecca novaja kafiejnia na vulicy Rakaŭskaj. Na žal, hetaja staražytnaja vulica z usich bakoŭ schavanaja ad turystaŭ i minčukoŭ šerymi sparudami, jakija zamianili saboj zabudovu Rakaŭskaha pradmieścia. Ale raźmiaščeńnie davoli zručnaje, pobač z kinateatram «Biełaruś», i padychodzić ludziam, jakija chočuć papić kavy paśla prahladu dobraha filma albo chutka pierakusić.

Što ŭnutry?

Adrazu paśla ŭvachodu ja zaŭvažyŭ prosty, navat tanny interjer. Ale hetaja prostaść maje svaju charyzmu.
Draŭlanaje azdableńnie i mebla (stały, kresły), roznyja nadpisy robiać hetaje miesca ŭtulnym dla lohkaj razmovy i nievialikaha pierakusu. Spadabałasia najaŭnaść maleńkaha asobnaha pakoja sa stałom na 4 čałavieki.
«My pracujem u kancepcyi bufieta-piakarni…» 
— pieršaje, što skažuć vam, kali budziecie niešta zakazvać. Mabyć, hetaj kancepcyjaj možna rastłumačyć adsutnaść prybiralni. Ale na maju dumku, heta vialiki niedachop. Ja nie razumieju, jak nie pamyć ruki pierad tym jak jeści. Asabliva kali ty tolki što adličvaŭ hrošy ŭ mietro. (Nie kažučy ŭžo pra inšyja dobryja jakaści prybiralni).

Navošta tudy iści?

Iści, kab pasprabavać sendvičy, jakija tut robiać davoli ŭdała; dla lohkaha pierakusu.
Nie iści, kali chočacie vypić niešta z ałkaholu. Kuryć tut taksama zabaroniena.

Što možna kupić za 50 tys. rubloŭ?

«Mieniu dla spatkańnia»:

Kapučyna — 7500 r.

Kavałačak torta — 16 000 r.

Suma na dva čałavieki: 47 000 r.

«Mieniu łanča»:

Sendvič — 25 000 r.

Harbata — 9 800 r.

Suma: 34 800.

Davoli cikavaje miesca, navat niezvyčajnaje dziela Biełarusi. Smačnyja sendvičy, dobryja sałaty i supy. Tanny interjer, jaki nadaje hetamu miescu atmaśfieru maleńkaj viaskovaj chatki ŭ Francyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?