Ułady Pakistana ŭ čaćvier źniali nakładzienuju za try dni da hetaha zabaronu na ŭžyvańnie słovaŭ «Isus» i «Chrystos» u sms-paviedamleńniach
.

Hetyja słovy vyklučanyja sa śpisu zabaronienych pa patrabavańni ministra nacyjanalnaj zhody, katalika Akrama Mašycha Hila. Ministr zajaviŭ, što zabarona na klučavyja dla chryścijanaŭ słovy pieraškadžała b stvareńniu «mižrelihijnaj harmonii ŭ krainie».

U śpis zabaronienych raniej trapili słovy, jakija, na dumku pakistanskich uładaŭ, abražajuć musulman abo majuć seksualny sens.

«My z razumieńniem stavimsia da imknieńnia ŭładaŭ achoŭvać śviadomaść maładych ludziej praz stvareńnie śpisu abraźlivych słovaŭ. Ale čamu tudy trapiła imia Isusa?» — zajaviŭ sakratar kamisii pa sacyjalnych kamunikacyjach kanfierencyi katalickich biskupaŭ Pakistana śviatar Džon Šakir Nadzim i vykazaŭ radaść z nahody źniknieńnia imia Chrysta z hetaha śpisu.

Tydzień tamu pakistanskaja The Nation pryviała nievialiki śpis zabaronienych da ŭžyvańnia słovaŭ.

Zabaronienymi stali słovy i vyrazy «djabał», «idzi da djabła», «idyjot», «zabić», «zabojca», «homaseksualist», «zhvałtavańnie», «satana», «rab», «snajpier», «sutenior».

Zabaronu vyrašyli ŭvieści paśla skarhaŭ spažyŭcoŭ na atrymańnie abraźlivych paviedamleńniaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?