Francuzskaja baletnaja pastanoŭka Žana-Kłoda Hałata «Dafnis i Chłoja» budzie pradstaŭlenaja ŭ Minsku 12 kastryčnika na scenie Biełaruskaha dziaržaŭnaha akademičnaha muzyčnaha teatra.
Pra heta karespandentu paviedamili ŭ adździele pa supracoŭnictvie i kultury pasolstva Francyi ŭ Biełarusi.

Vystup francuzskich artystaŭ adbudziecca ŭ miežach prahramy Mižnarodnaha forumu teatralnaha mastactva. Pakaz śpiektakla Žana-Kłoda Hałata arhanizavany pry padtrymcy pasolstva Francyi ŭ Respublicy Biełaruś.

Stvorany dla Avińjonskaha fiestyvalu śpiektakl «Dafnis i Chłoja» (vykanaŭcy Matylda Altaras, Žan-Kłod Hałata i Paskal Hraŭ, aŭtar muzyki Anry Torh) dzivić svajoj zdolnaściu sumiaścić rozum, humar i radaść pačućciaŭ. Śpiektakl atrymaŭ vydatnyja vodhuki ŭ presie: «maleńki šedeŭr», piša Liberation, «najpryhažejšaja chareahrafija», śćviardžaje Le Nouvel Observateur, «sutnaść luboŭnych adnosin», kaža Le Mond.

Napiaredadni śpiektakla, 11 kastryčnika, u Biełaruskim dziaržaŭnym univiersitecie kultury i mastactvaŭ dramaturh Kłod-Anry Biufar praviadzie kanfierencyju pa sučasnaj francuzskaj chareahrafii i, u pryvatnaści, pra chareohrafa Žana-Kłoda Hałłota. Majstar-kłas u repietycyjnaj zale Biełaruskaha dziaržaŭnaha akademičnaha muzyčnaha teatra ad Bieatrys Akuny, repietytara trupy, praciahnie i dapoŭnić kanfierencyju.

Žan-Kłod Hałata — aŭtar 60 chareahrafičnych pastanovak, pradstaŭlenych na scenach usich kantynientaŭ,
siarod jakich takija pracy, jak «Ulis», «Lehienda pra Ramea i Džuljetu», «Doktar Łabiu», «Amal Don Kichot». Taksama stvaryŭ chareahrafii baletaŭ dla teatraŭ Lijonskaj i Paryžskaj opiery. Z 1997 pa 1999 hod na prośbu režysiora Tadašy Suzuki Hałata stvaryŭ japonskuju tancavalnuju trupu horada Šyzuoka i dapamoh jaje tvorčamu raźvićciu.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?