Były prezident Polščy i lidar «Salidarnaści» Lech Vałensa naviedaŭ u špitali byłoha kamunistyčnaha kiraŭnika krainy hienierała Vojciecha Jaruzelskaha, jaki ŭ 1981 hodzie abviaściŭ vajskovaje stanovišča.

Infarmacyjnyja ahienctvy paśpieli nazvać fotazdymak, jaki raźmieščany ŭ błohu Valensy, simvałam prymireńnia dvuch byłych kiraŭnikoŭ Polščy.

Paśla ŭviadzieńnia Vojciecham Jaruzelskim vajskovaha stanovišča Lech Vałensa ŭ liku inšych lidaraŭ i aktyvistaŭ «Salidarnaści» byŭ aryštavany i pravioŭ pad aryštam amal hod. Paśla hetaha ŭ 1983 hodzie jon atrymaŭ Nobieleŭskuju premiju miru. A saviecki staŭleńnik Jaruzelski ŭ 1990 hodzie pahadziŭsia na praviadzieńnie šmatpartyjnych vybaraŭ. Hetamu papiaredničaŭ «kruhły stoł» pry ŭdziele ŭładaŭ i apazicyi. U vyniku prezidentam byŭ abrany Lech Vałensa.

U krasaviku 2007 hoda suprać Jaruzelskaha i šerahu inšych byłych kamunistyčnych kiraŭnikoŭ było vyłučana abvinavačvańnie za ŭviadzieńnie ŭ śniežni 1981 h. vajennaha stanovišča. U žniŭni 2011-ha sud vyklučyŭ Jaruzelskaha z sudovaha pracesu ŭ spravie ŭviadzieńnia vajennaha stanovišča — z pryčyny stanu zdaroŭja.

Ciapier Vojciech Jaruzelski znachodzicca ŭ špitali, jon chvareje na rak limfatyčnaj sistemy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?