Siońnia vyznačycca finalist, jaki budzie pradstaŭlać krainu na «Dziciačym Jeŭrabačańni», što sioleta projdzie ŭ Armienii. U adroźnieńni ad «darosłaha» «Jeŭrabačańnia», na dziciačym biełarusy pastavili rekord paśpiachovaści:

dvojčy brali «zołata» (Ksienija Sitnik u 2005-m i Alaksiej Žyhałkovič u 2007-m) i adzin raz srebra (Andrej Kuniec u 2006-m).

Taksama

adbor na «Jeŭrabačańnie» vyjaviŭ talent Jury Dziemidoviča.
Choć jon z svaim psichadeličnym «Čaroŭnym trusikam» i nie ŭziaŭ pieršaha miesca, ale zajmieŭ vializnuju papularnaść u internecie. Ciapier
jaho kancertny hanarar — $500.

Va ŭsim astatnim śviecie «Jeŭrabačańnie», tym bolš dziciačaje, — taki sabie konkurs jeŭrapiejskaj mastackaj samadziejnaści. I tolki ŭ Biełarusi

pośpiech na hetym śpieŭnym konkursie padajecca prapahandaj jak śviedčańnie słušnaści abranaha krainaj šlachu.
Konkurs pakazvajuć u prajm-tajm, pra pieramožcaŭ biaskonca pišuć dziaržśmi, ź imi pijaracca najvyšejšyja dziaržaŭnyja čynoŭniki.

U hetym jość i plusy:

Sitnik i Kuniec atrymali pa dvuchpakajoŭcy ŭ centry Minska.
Chto ź junych talentaŭ sioleta maje šaniec palepšyć žyllovyja ŭmovy?

Siońnia ŭ žyvym efiry Pieršaha kanała hledačy zmohuć ubačyć finał konkursnaha adboru dla «Jeŭrabačańnia» i daviedacca, chto sioleta pajedzie pradstaŭlać krainu ŭ Armienii.

Daša Atrošanka.

Daša Atrošanka.

Saša Drazdova.

Saša Drazdova.

Jahor Žaško.

Jahor Žaško.

Lida Zabłockaja.

Lida Zabłockaja.

Ania Zajcava.

Ania Zajcava.

Valera Zibaraŭ i Jana Fiodarava.

Valera Zibaraŭ i Jana Fiodarava.

Loša Kuźmin.

Loša Kuźmin.

Maša Novik.

Maša Novik.

Vieranika Sakałoŭskaja.

Vieranika Sakałoŭskaja.

Dzijana Cechanovič.

Dzijana Cechanovič.

Śpis finalistaŭ respublikanskaha konkursu vyhladaje tak:

Daša Atrošanka

Naradziłasia ŭ Maładziečnie ŭ 2000 hodzie. Udzielničała ŭ konkursie «Maładzičok». Vystupiła na fiestyvali ŭ Anapie. Na konkursie praśpiavaje pieśniu «A-a!!!»

Saša Drazdova

Naradziłasia ŭ 1999 hodzie ŭ Minsku. Udzielničała ŭ konkursach «Załatyja hałasy», «Novyja imiony», ProffiArt, «Maładzičok», «Słavianskaja mazaika», «Pryvitańnie, śviet!». U finale vystupić z «Pieśniaj Čyrvonaha Kapialušyka».

Jahor Žaško

Naradziŭsia ŭ Minsku ŭ 1999 hodzie. Udzielničaŭ u mižnarodnym dziciačym konkursie «Tryksi» ŭ Bałharyi, a taksama ŭ konkursie «Noč u muziei». Za pieramohu ŭ finale budzie zmahacca ź pieśniaj «Soniečnaja vyspa».

Lida Zabłockaja

Naradziłasia ŭ 1998 hodzie ŭ Mahilovie. Udzielničała ŭ konkursach «Ziamla pad biełymi kryłami», «Maładzičok», «Załataja pčołka». Zaŭtra možna budzie pačuć pieśniu «Anioły dabra» ŭ jaje vykańni.

Ania Zajcava

Naradziłasia ŭ Minsku ŭ 2000 hodzie. Vystupiła na fiestyvali «Viciebsk» («Słavianski bazar»), a taksama na «Dziciačaj Novaj chvali». Dla finału padrychtavała pieśniu «Maim siabram».

Valera Zibaraŭ i Jana Fiodarava

Duet ź Viciebska, abodva ŭdzielniki naradzilisia ŭ 1999 hodzie. Zaŭtra razam zaśpiavajuć «Pieśniu dla dvaich». Valera ŭdzielničaŭ u fiestyvalach «Załataja pčołka», «Ziamla pad biełymi kryłami» i «Piarlina Karalina». Jana ŭdzielničała ŭ raznastajnych haradskich dy abłasnych mierapryjemstvach.

Loša Kuźmin

Minčanin, naradziŭsia ŭ 1998 hodzie. Vystupaŭ na konkursach «Huki škołaŭ», «Čaroŭnaja paračka», «Hrajuć, tančać i śpiavajuć našyja ŭnuki», «Ja śpiavaju». U finale vykanaje pieśniu «Budź saboj».

Maša Novik

Maša naradziłasia ŭ Minsku ŭ 2001 hodzie. Udzielničała ŭ konkursach «Arfiej u Italii -2008», «Akno ŭ Jeŭropu — 2007», konkursie Viciebsk-2009», a taksama «Ziamla pad biełymi kryłami». U finale praśpiavaje «Soniečnuju piesieńku».

Vieranika Sakałoŭskaja

Minčanka Vieranika, 1999 hoda naradžeńnia, udzielnica «Viasiołki nad Viciebskam» i «Jak zapalvajucca zorki» vystupić u finale konkursu ź pieśniaj «Karnavał».

Dzijana Cechanovič

Taksama minčanka, naradziłasia ŭ 2000 hodzie. Jašče adna ŭdzielnica dziciačaj viersii «Novaj chvali», a taksama konkursaŭ «Narodny artyst» i «Huki škołaŭ». Vykanaje pieśniu «Ja maluju».

Pačatak tranślacyi — u 21.45.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?