Kala 30 teatralnych kalektyvaŭ Biełarusi padavali zajaŭki na ŭdzieł u konkursie Nacyjanalnaj teatralnaj premii.

Šlacham hałasavańnia adboračnaja kamisija vyznačyła 12 śpiektaklaŭ-naminantaŭ, jakija padrychtavali da ŭdziełu ŭ konkursie vosiem minskich teatraŭ i čatyry rehijanalnyja. Siarod ich — Nacyjanalny akademičny Vialiki teatr opiery i baleta (pastanoŭka «Nabuka»), Nacyjanalny akademičny teatr imia Janki Kupały («Nie moj»), Respublikanski teatr biełaruskaj dramaturhii («Soniečka»), Nacyjanalny akademičny dramatyčny teatra imia Jakuba Kołasa («Kvartet «), Nacyjanalny akademičny dramatyčny teatr imia Maksima Horkaha («Eśfir»), Biełaruski dziaržaŭny akademičny muzyčny teatr («Aršyn mał ałan»), Biełaruski dziaržaŭny teatr lalek («Draj švestern»), Dramatyčny teatr Biełaruskaj Armii («Sabaka na sienie»), Hrodzienski abłasny teatr lalek («Mahičnaje lustra pana Tvardoŭskaha»), Homielski abłasny dramatyčny teatr («Chrosnaja maci»), Teatr-studyja kinaakciora («№ 13»), Mahiloŭski abłasny dramatyčny teatr («Tarełkin»).

Finalny etap Nacyjanalnaj teatralnaj premii projdzie ŭ Minsku 4–10 kastryčnika. Jaje zasnavalnikami źjaŭlajucca Ministerstva kultury, Biełaruski sajuz teatralnych dziejačaŭ, Biełaruski sajuz kampazitaraŭ i Biełaruski sajuz litaraturna-mastackich krytykaŭ. Premija pravodzicca dla padtrymki ajčynnaha teatralnaha mastactva i zaachvočvańnia teatralnych dziejačaŭ, «što pakazali najbolš jarkija vyniki svajoj tvorčaj pracy na praciahu 2009–2010 hadoŭ».

Zaraz idzie padrychtoŭka zaklučnaha konkursnaha tydnia, uračystaj cyrymonii ŭznaharodžańnia pieramožcaŭ, adznačaje pres-słužba Minkulta.

Zachar Ščarbakoŭ, BiełaPAN.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?