U Biełarusi dazvolena palavańnie na bałotnuju i vadapłaŭnuju dzičynu, akramia husiej, a taksama palavańnie na słonku, vialikaha hołuba, šyzaha hołuba i pierapiołku. Pra heta paviedamlaje aficyjny sajt Ministerstva pryrodnych resursaŭ i achovy navakolnaha asiarodździa.

Z 3 vieraśnia dazvalajecca palavańnie na arabka, šeruju kurapatku i bažana, z 17 vieraśnia — na biełałobuju huś, huś-humieńnicu, šeruju huś, kanadskuju kazarku. Palaŭničy siezon na hetyja vidy ptušak budzie doŭžycca da 11 śniežnia.

Na vadapłaŭnuju i bałotnuju dzičynu, słonku, vialikaha hołuba, hołuba šyzaha, pierapiołku dazvolena palavać ružejnym sposabam, u tym liku z palaŭničymi sabakami, z padychodu, z zasady, z padzyvańniem, z pad`iezdu z małamiernych sudnaŭ. Dazvolenymi pryładami palavańnia ź`iaŭlajucca hładkastvolnaja palaŭničaja zbroja z vykarystańniem patronaŭ, zabiaśpiečanych šrotam, usie hrupy palaŭničych sabak, akramia hančakoŭ i chartoŭ, małamiernyja sudny biez ruchavika ci ź niepracujučym ruchavikom, a taksama łoŭčyja ptuški.

Na arabka, šeruju kurapatku, bažana dazvoleny ružejny sposab palavańnia z padychodu, z zasady, z padzyvańniem. Dazvolena vykarystoŭvać hładkastvolnuju palaŭničuju zbroju z patronami, zabiaśpiečanymi šrotam, usie hrupy palaŭničych sabak, akramia hančakoŭ i chartoŭ, a taksama łoŭčych ptušak.

Na huś biełałobuju, huś-humieńnicu, šeruju huś, kanadskuju kazarku dazvoleny ružejny sposab palavańnia z zasady, z padychodu, z padzyvańniem, z pad`iezdu z małamiernych sudnaŭ. Dazvolena vykarystoŭvać hładkastvolnuju palaŭničuju zbroju z patronami, zabiaśpiečanymi šrotam. Dla vyšuku i padačy zdabytaj dzičyny dapuskajecca vykarystańnie palaŭničych sabak (ter`iery, taksy, vyžły, spanieli, retryviery, vodnyja sabaki), małamiernych sudnaŭ biez ruchavika ci ź niepracujučym ruchavikom, a taksama łoŭčych ptušak.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?