Ekanomika11

Pastanova pra abmiežavańnie prodažu valuty zdymajecca, ale abmiežavańnie zastajecca

Ekanamist Siarhiej Čały: Valuty budzie chapać tolki «pravilnym pakupnikam».

Nacbank admianiŭ uviedzienaje 16 sakavika patrabavańnie ab tryccacidzionnym reziervavańni srodkaŭ na nabyćcio zamiežnaj valuty na tarhach Biełaruskaj valutna-fondavaj biržy.
Takoje rašeńnie pryniata praŭleńniem Nacbanka 22 sakavika, paviedamlaje ŭpraŭleńnie infarmacyi hetaha viedamstva.

Takim čynam, ad 1 krasavika reziervavańnie bankami srodkaŭ na kuplu valuty budzie ažyćciaŭlacca ŭ raniejšym režymie — za adzin pracoŭny dzień da praviadzieńnia tarhoŭ.

Pry hetym

zajaŭki na kuplu valuty padčas tarhoŭ buduć zadavalniacca «ŭ miežach ahulnaj sumy zajavak na prodaž zamiežnaj valuty z ulikam nastupnaj pryjarytetnaści napramkaŭ vykarystańnia nabytaj valuty: dla apłaty za miedykamienty, za pastaŭleny ŭ respubliku pryrodny haz, dla pahašeńnia kredytaŭ u zamiežnaj valucie i dla inšych metaŭ».

Bankam, jakija padali zajaŭki na kuplu valuty ŭ pieryjad dziejańnia 30-dzionnaha terminu reziervavańnia srodkaŭ, budzie pradastaŭlena prava pieranakiravać ich dla ŭdziełu ŭ tarhach 1 krasavika «z ulikam pryjarytetnaści metaŭ nabyćcia zamiežnaj valuty».

«Dadzienaje rašeńnie pryniata dla aptymizacyi ŭmoŭ kupli valuty na ŭnutranym valutnym rynku, a taksama pieršačarhovaha i biezumoŭnaha zadavalnieńnia zapatrabavańniaŭ u zamiežnaj valucie pa najbolš važnych napramkach jaje vykarystańnia dla zabieśpiačeńnia stabilnaha funkcyjanavańnia nacyjanalnaj ekanomiki», — havorycca ŭ paviedamleńni Nacbanka.

Asabliva padkreślivajecca, što

na zadavalnieńnie zapatrabavańniaŭ subjektaŭ haspadarańnia respubliki ŭ valucie «budzie nakiroŭvacca ŭvieś abjom valutnych srodkaŭ, što pastupajuć u krainu ad ekspartu tavaraŭ i pasłuh, biez jakich-niebudź abmiežavańniaŭ».

Pry hetym važnaja rola ŭ pieraraźmierkavańni zamiežnaj valuty Nacbankam «pa-raniejšamu advodzicca mižbankaŭskamu rynku, na dolu jakoha prypadaje bolš za 70% valutnaj vyručki, što pastupaje ŭ krainu».

Niezaležny finansavy analityk Siarhiej Čały ličyć, što Nacbank «sprabuje adnym udaram zabić dvuch zajcoŭ». Jon nahadaŭ, što

źniaćcio valutnych abmiežavańniaŭ było adnoj z umoŭ atrymańnia novych rasijskich kredytnych resursaŭ
, ahučanych ministram finansaŭ Rasiei Alaksiejem Kudrynym pa vynikach praviedzienaha 15 sakavika ŭ Minsku pasiadžeńnia savieta sajuznaj dziaržavy i miždziaržsavieta JeŭrAzES na ŭzroŭni prem'jer-ministraŭ.

I zaraz, adznačyŭ ekśpiert, Nacbank moža dać spravazdaču:

farmalna raniejšych abmiežavańniaŭ dla kupli valuty niama, adnak vybudavany paradak pieršačarhovaści. Jon nie sumniajecca, što faktyčna valuty budzie chapać tolki dla zhadanych metaŭ.
«Heta značyć, zabarony jak takoha niama, ale valuty na biržy pa «pravilnym kursie «budzie chapać tolki «pravilnym pakupnikam», — skazaŭ Čały.

Aceńvajučy situacyju na valutnym rynku ŭ cełym, finansavy analityk pryjšoŭ da vysnovy, što faktyčna

havorka idzie pra racyjanavańnie — administracyjna-kamandnuju mieru rehulavańnia hrašovaha zvarotu z metaj abmiežavańnia spažyvieckaha popytu, baraćby sa śpiekulacyjaj. Racyjanavańnie ŭvodzicca tady, kali rynkavy miechanizm nie pracuje.

«My siamimilnymi krokami viartajemsia ŭ 90-ja hady», — zajaviŭ ekanamist, adznačajučy, što ŭ takich umovach krainu iznoŭ čakaje valutny deficyt, množnaść kursaŭ, roznyja «šeryja schiemy» i raźliki pa barteru.

Ab hetym śviedčyć i situacyja, jakaja składvajecca ŭ biełaruskich bankach. Tak, pry daterminovym źniaćci srodkaŭ z valutnaha depazitu šerah bankaŭ užo prapanujuć hramadzianam pakidać zajaŭku za piać dzion. Pry hetym u bankach tłumačać, što takija ŭmovy prapisany ŭ damovie, i ciapier jany vymušanyja ich vyłučać u ŭvazie situacyi, jakaja skłałasia z najaŭnaściu valuty.

Akramia taho, niekatoryja banki časova prypynili papaŭnieńnie kart-rachunkaŭ u zamiežnaj valucie biełaruskimi rublami (najaŭnymi i bieznajaŭnymi), a taksama źniaćcio zamiežnaj valuty z kart-rachunkaŭ u biełaruskich rublach. Papaŭnieńnie valutnych rachunkaŭ mahčyma tolki zamiežnaj valutaj.

Kamientary1

Zaleva ŭ Minsku, vierahodna, była najmacniejšaj za ŭsiu historyju nazirańniaŭ3

Zaleva ŭ Minsku, vierahodna, była najmacniejšaj za ŭsiu historyju nazirańniaŭ

Usie naviny →
Usie naviny

U minskim parku Čaluskincaŭ zabaranili jeździć na šerynhavych elektrasamakatach

Čarha z aŭtobusaŭ pierad pierachodam «Kamienny Łoh» rassmaktałasia2

Stała viadoma, kudy ŭładkavaŭsia były hiendyrektar MTS Uładzisłaŭ Andrejčanka6

Straty rasijskaj armii ŭ 2024-m značna vyraśli. Pamiraje 200-250 bajcoŭ za dzień15

U Bajdena dyjahnastavali karanavirus1

788 ukrainskich vajskoŭcaŭ źnikli bieź viestak u bajach za siało Krynki Chiersonskaj vobłaści5

Ułady ZŠA abvinavacili nieanacysta z Hruzii ŭ padrychtoŭcy masavaha atručvańnia dziaciej u Ńju-Jorku5

Kruty vykazaŭ spačuvańni rodnym zahinułych padčas urahanu. Ale nie Łukašenka5

Vysokaintensiŭnyja fizičnyja nahruzki ŭ staraści palapšajuć pamiać

bolš čytanych navin
bolš łajkanych navin

Zaleva ŭ Minsku, vierahodna, była najmacniejšaj za ŭsiu historyju nazirańniaŭ3

Zaleva ŭ Minsku, vierahodna, była najmacniejšaj za ŭsiu historyju nazirańniaŭ

Hałoŭnaje
Usie naviny →