Viarchoŭny sud admoviŭ BCHK u zadavalnieńni skarhi na papiaredžańnie Miniusta

Viarchoŭny sud admoviŭ respublikanskamu pravaabarončamu hramadskamu abjadnańniu «Biełaruski Chielsinkski kamitet» (BCHK) u zadavalnieńni skarhi na papiaredžańnie Ministerstva justycyi. Takoje rašeńnie abviaściła 12 sakavika sudździa Halina Žukoŭskaja.

Piśmovaje papiaredžańnie Miniusta było vyniesiena BCHK 12 studzienia, paśla taho jak pravaabaroncy prainfarmavali śpiecdakładčyka AAN pa pytańniach niezaležnaści sudździaŭ i advakataŭ Habryełu Knaul pra fakty nacisku ŭład na advakataŭ, jakija abaraniajuć fihurantaŭ kryminalnaj spravy ab masavych biesparadkach 19 śniežnia.

Miniust ubačyŭ u hetym «parušeńnie zakanadaŭstva ab hramadskich abjadnańniach, srodkach masavaj infarmacyi, raspaŭsiudžvańnie niedakładnaj infarmacyi, jakaja dyskredytuje pravaachoŭnyja orhany i orhany justycyi respubliki, ułasny statut arhanizacyi».

Padčas sudovych sprečak 11 sakavika kiraŭnik BCHK Aleh Hułak padkreśliŭ, što ŭsie fakty, vykładzienyja ŭ liście śpiecdakładčyku AAN, mieli miesca. U pryvatnaści, adznačyŭ jon, advakaty fihurantaŭ kryminalnaj spravy ab masavych biesparadkach 19 śniežnia 2010 hoda praciahły čas nie mahli ź imi sustrecca, čym parušałasia prava na abaronu abvinavačanych i pravy advakataŭ.

Jak zajaviŭ Hułak, nie moža iści havorki ab raspaŭsiudžvańni niedakładnaj infarmacyi, «jakaja dyskredytuje pravaachoŭnyja orhany i orhany justycyi respubliki». «Jak havorycca ŭ prymaŭcy, nielha narakać na lusterka. U hetym vypadku my — lusterka. Z daśledavanych u sudovym pasiadžeńni dakumientaŭ vidać, što pravy advakataŭ parušalisia, što jany sutykalisia z naciskam, što biełaruskaja advakatura sapraŭdy nie niezaležnaja. U dyskredytacyi respubliki vinavatyja my ci tyja, chto dapuściŭ hetyja parušeńni?» — papytaŭsia kiraŭnik BCHK.

Što da acenak hetych faktaŭ, to BCHK maje prava ich rabić, padkreśliŭ jon.

Pradstaŭnik Miniusta Alaksandr Charyton z dovadami pravaabaroncy nie pahadziŭsia. Jon zajaviŭ, što ŭ pracesie nie było pryviedziena nivodnaha dokazu taho, što Miniust pry vyniasieńni papiaredžańnia nie mieŭ racyju. «BCHK paviedamlaŭ pra nacisk na advakataŭ, ale faktaŭ hetaha nacisku nie pryvioŭ», — skazaŭ Charyton.

Akramia taho, adznačyŭ jon, BCHK nieadnarazova vykarystoŭvaŭ na svaich paśviedčańniach naziralnika i štampach niapravilnuju skaročanuju nazvu arhanizacyi. «Toje, što sudu byŭ padadzieny akt ab źniščeńni reštkaŭ nakładu paśviedčańniaŭ i štampa dla pierapiski, u jakim vykarystoŭvałasia niapravilnaja nazva arhanizacyi, śviedčyć ab tym, što BCHK pryznaŭ dapuščanyja im parušeńnia i pačaŭ ich likvidavać», — adznačyŭ pradstaŭnik Miniusta.

Pavodle rašeńnia Viarchoŭnaha suda, u liście śpiecdakładčyku AAN BCHK dapuściŭ «niedakładnuju i nieabhruntavanuju infarmacyju».

Akramia taho, sud pryznaŭ, što BCHK sapraŭdy vykarystoŭvaŭ na paśviedčańniach svaich naziralnikaŭ i ŭ štampie dla paštovaj pierapiski niapoŭnuju niestatutnuju nazvu arhanizacyi.

Na padstavie hetaha sud pryznaŭ pravamocnym papiaredžańnie Miniusta i pastanaviŭ admović BCHK u zadavalnieńni skarhi.

Jak paviedamiŭ Aleh Hułak, arhanizacyja razhledzić mahčymaść abskardžańnia hetaha rašeńnia ŭ paradku nahladu.

• 0
• 0
• 0
• 0
• 0
• 0