Mierkavańni2424

Na sudzie suprać Breusa i Haponava śviedčyŭ śpiecnazaviec, jaki źbiŭ Śviatłanu Zavadskuju?

Z supadzieńniaŭ — proźvišča, inicyjały, miesca pracy i charaktar «pabojaŭ».

Z supadzieńniaŭ — proźvišča, inicyjały, miesca pracy i charaktar «pabojaŭ».

U redakcyju «NN» źviarnułasia Śviatłana Zavadskaja, žonka źnikłaha ŭ 2000 h. žurnalista Dźmitryja Zavadskaha. U čaćvier 10 sakavika jana prahladała paviedamleńni z sudoŭ nad Arciomam Breusam, Ivanam Haponavym i Dmitryjem Miadźviedziem. Čytajučy śviedčańni milicyjantaŭ jana źviarnuła ŭvahu na znajomaje proźvišča.

Siarod supracoŭnikaŭ śpiecnazu, jakija na sudzie vystupali ŭ jakaści paciarpiełych ad dziejańniaŭ demanstrantaŭ, joj trapiłasia znajomaje proźvišča.
Śviatłana pryhadała historyju 6-hadovaj daŭniny, kali na akcyi pamiaci jaje muža 7 lipienia 2005 h. jaje ŭdaryŭ kułakom u tvar adzin z bajcoŭ minskaha AMAPu. Paśla taho incydentu jana dabivałasia, kab na jaje kryŭdziciela zaviali kryminalnuju spravu, adnak marna. Paźniej kiraŭnictva minskaha AMAPu paviedamiła žurnalistam, što ŭ dziejańniach milicyjanta nie znajšli ničoha niezakonnaha. Bolš za toje, jaho dziejańni traktavali jak samaabaronu, bo, nibyta, pieršaj jaho ŭdaryła pa tvary Zavadskaja.

U atrymanych z prakuratury dakumientach paznačana proźvišča dy inicyjały amapaŭca — Davydovič Ju.M.

U niekalkich repartažach z zały suda, zroblenych žurnalistami niezaležnych ŚMI («Naša Niva», Jeŭraradyjo, Radyjo Svaboda), prahučała proźvišča paciarpiełaha Juryja Dalidoviča, 1975 hoda naradžeńnia, kamandzira ŭzvoda PMSP. Adnak, pavodle słovaŭ žurnalista «NN» Alesia Pileckaha, jaki vioŭ repartaž z suda, śpiecnazaviec stajaŭ śpinaj i havaryŭ cicha. Žurnalisty zapisvali proźviščy na słych i mahli pamylicca.

Pravaabaronca Valancin Stefanovič taksama zapisvaŭ proźviščy i imiony milicyjantaŭ.

Kamandzira ŭzvoda PMSP jon paznačyŭ u svaim natatniku, jak Ihara Michajłaviča Davydoviča.
Jon taksama dapuskaje, što moh niedačuć imia milicyjanta, tamu nie peŭny Ihar jon ci Juryj.

Śviatłana Zavadskaja kaža, što jaje historyju z padziejami 19 śniežnia abjadnoŭvaje jašče adzin momant.

Milicyjant Davydovič, jakoha jana nibyta ŭdaryła, skardziŭsia na raźbityja vusny. Na sudzie nad Dźmitryjem Miadźviedziem paciarpieły Davydovič (Dalidovič?) taksama kazaŭ pra raźbityja vusny.

Kamientary24

Stryžak pra Pratasieviča: Sa mnoj takoha adbycca nie mahło2

Stryžak pra Pratasieviča: Sa mnoj takoha adbycca nie mahło

Usie naviny →
Usie naviny

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia5

U Minsku raspačaŭsia «forum patryjotaŭ», pryśviečany 30-hodździu kiravańnia Łukašenki15

U centry Kijeva źnieśli siadzibu Zialenskich4

U rasijskim Krasnadary ludzi pierakryli vulicu z-za adklučeńniaŭ śviatła1

Žančynu-mera na Filipinach abvinavačvajuć u špijanažy na Kitaj. Vyśvietliłasia, što jana nie taja, za kaho siabie vydavała1

Skarlet Jochansan nazvała kiraŭnika OpenAI Altmana vydatnym pratatypam dla złydnia Marvel

Pomnik na mahile Pryhožyna ŭ Pieciarburhu ablili biełaj farbaj. A ŭ ruku ŭstavili fałaimitatar FOTAFAKT4

«Pa kodavym słovie «Barysaŭna» vykinuła ŭ akno €760 tysiač». 16-hadovy kurjer zabraŭ u dvaich piensijanieraŭ 2,7 młn rubloŭ14

Što adbudziecca, kali Bajden vyjdzie z prezidenckaj honki?1

bolš čytanych navin
bolš łajkanych navin

Stryžak pra Pratasieviča: Sa mnoj takoha adbycca nie mahło2

Stryžak pra Pratasieviča: Sa mnoj takoha adbycca nie mahło

Hałoŭnaje
Usie naviny →