Hramadstva11

Laŭčuk praciahvaje zmahacca ŭ sudach z hazietaj «Znamia junosti»

Siońnia były karespandent dziaržaŭnaha vydańnia «Znamia junosti» ŭ Bieraści Aleś Laŭčuk padaŭ u Bieraściejski abłasny sud skarhu na rašeńnie sudu Maskoŭskaha rajonu.

Rajonny sud, razhladajučy pazoŭ dziaržaŭnaj hazety, staŭ na bok vydańnia ŭ sprečcy pamiž žurnalistam i redakcyjaj. Jašče ŭ śniežni 2010-ha redakcyja zapatrabavała ad Alesia Leŭčuka napisać artykuł z asudžeńniem padziejaŭ 19 śniežnia na płoščy Niezaležnaści ŭ Miensku. Žurnalist admoviŭsia. Paśla hetaha z redakcyi pryjšło paviedamleńnie pra zvalnieńnie.

Laŭčuk paličyŭ takoje rašeńnie palityčna matyvavanym. Svaje mierkavańni jon vykazaŭ na Radyjo Svaboda i va ŭłasnym błohu. Tady «Znamia Junosti» vyrašyła, što vykazvańni Alesia Leŭčuka nanosiać škodu dziełavoj reputacyi i imidžu vydańnia, i źviarnułasia ŭ sud. Sud Maskoŭskaha rajonu Bieraścia staŭ na bok hazety, kaža Aleś Laŭčuk:

«Ja pavinien prynieści słovy prabačeńnia hetaj hazecie na ich staronkach za svoj košt. Heta mnie budzie kaštavać kala miljona rubloŭ. Ale siońnia ja nakiravaŭ skarhu ŭ abłasny sud Bieraściejskaj vobłaści».

Sud Maskoŭskaha rajonu abaviazaŭ byłoha karespandenta hazety «Znamia junosti» apłacić, akramia publikacyi, i darožnyja vydatki pradstaŭnikoŭ redakcyi, jakija pryjaždžali na sudovyja pasiedžańni:

«Ja prašu ŭ skarzie, kab rašeńnie Maskoŭskaha sudu było całkam anulavana, kab była pryznana maja pravata».

Tym časam historyju Alesia Leŭčuka pačali vyvučać u Bieraściejskim dziaržaŭnym universytecie imia Puškina. Student žurfaku hetaj VNU, jaki paprasiŭ nie nazyvać jahonaha imia, paviedamiŭ: kanflikt Laŭčuka i hazety «Znamia junosti» raźbirajecca na zaniatkach pa žurnalisckaj etycy. Vykładčyk raspavioŭ studentam, što redakcyjnyja zadańni abaviazkova pavinny vykonvacca, kaža adzin sa studentaŭ:

«Heta byŭ prykład taho, jak nielha pastupać žurnalistam. Vykładčyk na zaniatkach pa žurnalisckaj etycy raspaviadaŭ pra sud, pra niežadańnie Alesia Laŭčuka pisać materyjały ŭ toj formie, jakaja pažadana redakcyi. Bolšaść studentaŭ nia viedajuć pra akaličnaści spravy, tamu praktyčna nijak nie adreahavali. Ja ž miarkuju, što vykładčyku nia varta było ŭzhadvać pra hety vypadak, tym bolš što ŭ nas byŭ pieršy zaniatak mienavita pa hetym pradmiecie».

Juryst hazety «Znamia junosti» Hleb Hančaroŭ kaža, što ŭ redakcyju jašče nie pryjšli dakumenty, tamu kamentavać pakul niama čaho:

«Redakcyja zachoŭvaje svaju pazycyju, my jaje budziem adstojvać u sudzie i nadalej».

Kamientary1

Kruty: Boh pasłaŭ urahan, kab prezident paradavaŭsia, što stvoranaja im sistema vystajała22

Kruty: Boh pasłaŭ urahan, kab prezident paradavaŭsia, što stvoranaja im sistema vystajała

Usie naviny →
Usie naviny

U rasijskim Krasnadary ludzi pierakryli vulicu z-za adklučeńniaŭ śviatła1

Žančynu-mera na Filipinach abvinavačvajuć u špijanažy na Kitaj. Vyśvietliłasia, što jana nie taja, za kaho siabie vydavała1

Skarlet Jochansan nazvała kiraŭnika OpenAI Altmana vydatnym pratatypam dla złydnia Marvel

Pomnik na mahile Pryhožyna ŭ Pieciarburhu ablili biełaj farbaj. A ŭ ruku ŭstavili fałaimitatar FOTAFAKT4

«Pa kodavym słovie «Barysaŭna» vykinuła ŭ akno €760 tysiač». 16-hadovy kurjer zabraŭ u dvaich piensijanieraŭ 2,7 młn rubloŭ14

Što adbudziecca, kali Bajden vyjdzie z prezidenckaj honki?1

Ukrainski front na Danbasie pasypaŭsia ŭ niekalkich miescach — analityk Bild10

Biełaruski ajcišnik pierajechaŭ u Aŭstraliju i trapiŭ pad skaračeńni. I zadaŭsia adviečnym pytańniem «Što rabić»?15

U Lidzie zatrymali ŭładalnika kaviarni «Tutaka»

bolš čytanych navin
bolš łajkanych navin

Kruty: Boh pasłaŭ urahan, kab prezident paradavaŭsia, što stvoranaja im sistema vystajała22

Kruty: Boh pasłaŭ urahan, kab prezident paradavaŭsia, što stvoranaja im sistema vystajała

Hałoŭnaje
Usie naviny →