Hramadstva1313

Akciora z rolika «Schavaj pašpart babuli» adličyli za «chvasty», a nie za palityku

U BDU zapeŭnivajuć, što palitykaj małady čałaviek tolki prykryŭsia.

U BDU zapeŭnivajuć, što palitykaj małady čałaviek tolki prykryŭsia.

U śniežni stała viadoma, što Aleha Anufryjenku, unuka z rolika «Schavaj pašpart babuli», adličyli z univiersiteta. Jon vučyŭsia na žurfaku BDU. Žurnalisty źviazali adličeńnie z palitykaj. Na fakultecie ž zajaŭlajuć, što małady čałaviek prosta nie zdaŭ «chvasty».

Aleh Anufryjenka nie admaŭlaje, što mieŭ zapazyčanaści jašče ź letniaj siesii. Pa jaho słovach, jon zdaŭ ich da ŭzhodnienych u dekanacie terminaŭ.

A ŭ vyniku pierazdačy nie zaličyli, a jaho adličyli, kaža jon.

Namieśnica dekana žurfaka Hanna Kurejčyk paćvierdziła, što student mieŭ akademičnuju zapazyčanaść. Małady čałaviek dvojčy źviartaŭsia da administracyi fakulteta z prośbaj praciahnuć termin pierazdačy. Spačatku da žniŭnia, a zatym da 15 kastryčnika 2010 hoda «ŭ suviazi ź siamiejnymi abstavinami». Spn. Kurejčyk demanstruje adpaviednyja zajavy studenta. Jamu pajšli nasustrač. A pierad zakančeńniem druhoha terminu, 14 kastryčnika, Alehu patelefanavali, kab nahadać ab pierazdačy. Ale jon nie adkazvaŭ na zvanki i ŭ dekanat nie źjaviŭsia. Adpaviedna, za akademičnuju niepaśpiachovaść jaho adličyli z univiersiteta.

Zahad ab adličeńni byŭ padpisany 28 kastryčnika, a Aleh Anufryjenka, jak sam adznačyŭ, daviedaŭsia ab hetym tolki ŭ śniežni. Jon źviartaŭsia ŭ dekanat pa tłumačeńni. Tam adkazali, što adpraŭlali dadomu adpaviedny list. Ale i da siońnia, pa słovach Anufryjenki, jon nie dajšoŭ. Hanna Kurejčyk adznačaje, što dekanat nie abaviazany ŭ ruki pieradavać takija listy. I dadaje, što Aleh moh daviedacca ab usim, kali b źjaviŭsia va ŭniviersitecie.

Namieśnica dekana admaŭlaje suviaź pamiž rolikam «Schavaj pašpart babuli» i spravaj studenta.

I źviartaje ŭvahu, što videa źjaviłasia ŭ internecie paźniej za zahad ab adličeńni (na ju-tubie rolik raźmiaścili 8 listapada).

Razam z tym, režysior videa Jaŭhien Šapčyc byŭ zvolnieny ź Biełteleradyjokampanii za pracu nad rolikam.

Aleh Anufryjenka choča pasprabavać adnavicca ŭ BDU ŭ nastupnym hodzie.

BDU admietny tym, što ŭ hetym univiersitecie nie adličvali studentaŭ, zatrymanych na Płoščy.

Videa «Schavaj pašpart babuli» było pryśviečana prezidenckim vybaram u Biełarusi. Zhodna ź siužetam, unuk zajšoŭ da babuli ŭ hości. Kali jany pili harbatu, u dźviery pazvanili zborščyki podpisaŭ za kandydata Žyrafienku. Na fotazdymku — Alaksandr Łukašenka z padmalavanym parykom. Pakul babula słuchaje mužčyn, unuk chavaje jaje pašpart. I reziume: «19 śniežnia. Vybary-2010. Vyratuj krainu. Schavaj babulin pašpart».

Kamientary13

Rasijski šachied vybuchnuŭ za 55 km ad Babrujska3

Rasijski šachied vybuchnuŭ za 55 km ad Babrujska

Usie naviny →
Usie naviny

Łatvija choča naohuł zabaranić mašynam ź biełaruskimi numarami pierasoŭvacca pa krainie8

Viciebskaja siamja znajšła źnikłaha svajaka praz 25 hod1

Tramp upieršyniu źjaviŭsia na publicy ź pieraviazanym vucham paśla strełaŭ u Piensilvanii FOTA1

Biełarus, jaki sarvaŭsia sa skały ŭ Kabardzina-Bałkaryi, zahinuŭ

«Bili fłahštokam, kab roŭna stajaŭ na kaleniach pierad načalnikam», — palitviazień, jaki mianiaŭ ściahi na bieł-čyrvona-biełyja, raskazaŭ pra źniavoleńnie

Unačy šachied znoŭ zalacieŭ u Biełaruś1

Na Vałožynščynie błasłavili novy pomnik na mahile śviatara, jakoha zabili kamsamolcy ŭ 1950 hodzie1

Što adbyvajecca z klimatam? Takaja śpioka letam budzie zaŭsiody?6

Biełarusa zatrymali paśla adpačynku ŭ Italii3

bolš čytanych navin
bolš łajkanych navin

Ad zaŭtra abmiežavańni na ŭjezd aŭto ź biełaruskimi numarami maje ŭvieści Litva

Ad zaŭtra abmiežavańni na ŭjezd aŭto ź biełaruskimi numarami maje ŭvieści Litva

Hałoŭnaje
Usie naviny →