Brytanskaja hazeta The Telegraph, sa spasyłkaj na WikiLeaks, apublikavała tekst depešy z amerykanskaj ambasady ŭ Londanie 21 žniŭnia 2008 hodu, ź jakoj vynikaje, što Miensk za vyzvaleńnie palityčnych viaźniaŭ Siarhieja Parsiukieviča, Andreja Kima i Alaksandra Kazulina zapatrabavaŭ ad Zachadu «važnaha syhnału ab palapšeńni klimatu».

Pavodle amerykanskich dyplamataŭ, Zoja Kałantaj, namieśnica stałaha pradstaŭnika Biełarusi pry AAN, pieradała na sustrečy z pradstaŭnikom MZS Vialikabrytanii Dejvidam Bendaram prośbu ab dapamozie ŭ arhanizacyi biełaruskaha investycyjnaha forumu ŭ Londanie ŭ listapadzie 2008.

«Kałantaj mieła na ŭvazie kankretnuju pasłuhu. Biełaruski ŭrad arhanizuje investycyjny forum u Londanie 18–19 listapada i choča, kab u im uziaŭ udzieł i vystupiŭ z pramovaj prem'jer-ministar. Kałantaj prasiła Bendara pasadziejničać u atrymańni vizy dla prem'jer-ministra, a taksama ab dapamozie ŭ lahistycy i zachadach biaśpieki. Bendar skazaŭ, što brytanski ŭrad razvažyć hetuju prośbu, ale daŭ Kałantaj zrazumieć, što adkaz budzie zaležać ad pavodzinaŭ jaje ŭradu, u pryvatnaści, ad taho, jak jon pastavicca da naziralnikaŭ ABSE na vybarach 28 vieraśnia» — napisali amerykanskija dyplamaty ŭ depešy Dziarždepartamentu ŭ Vašynhtonie.

Клас
0
Панылы сорам
0
Ха-ха
0
Ого
0
Сумна
0
Абуральна
0