Ułada8080

Ministr Kulašoŭ: «19 śniežnia ja zachavaŭ mir, spakoj i stabilnaść»

Kiraŭnik MUS pryznaŭ, što heta jon addavaŭ zahad na razhon Płoščy. I pryvioŭ prykład jak niaščasnych supracoŭnikaŭ milicyi 19 śniežnia źbivali z dapamohaj videa- i fotakamier.

Ministr unutranych spravaŭ Anatol Kulašoŭ 26 studzienia ŭpieršyniu źjaviŭsia pierad žurnalistami ad momantu vybaraŭ. Papytacca ŭ jaho sapraŭdy było što, tamu i napłyŭ pradstaŭnikoŭ ŚMI byŭ vialiki.

Anatol Niłavič najpierš začytaŭ spravazdaču za dziejnaść jahonaha viedamstva letaś. Pa ŭsich pakazčykach idzie źnižeńnie kolkaści złačynstvaŭ, reziumavaŭ jon.

Asobnym punktam uzhadaŭ, što ŭ dačynieńni supracoŭnikaŭ milicyi za 2010 hod było zaviedziena 140 kryminalnych spravaŭ. Pryčym bolšaść za złačynstvy suprać słužby.

Ale bolšaść prysutnych čakała mahčymaść zadać pytańni. Pres-kanfierencyja zaciahnułasia na paŭtary hadziny. Heta ulikam taho, što nie ŭsie žadajučyja zmahli zadavać svajo pytańnie.

Azaronak pahareŭ na adkatach

Pieršyja da ministra źviarnulisia pradstaŭniki dziaržaŭnych vydańniaŭ. Cikavilisia losam aryštavanaha kamandujučaha vajenna-pavietranymi siłami Azaronka. Kulašoŭ adznačyŭ, što prablem z dokaznaj bazaj u hetaj spravie niama. Chutka jana budzie pieradadzienaja ŭ sud.

Azaronak papaliŭsia na atrymańni adkataŭ pry zaklučeńni kantraktaŭ. Kulašoŭ zaznačyŭ, što heta ŭvohule raspaŭsiudžanaje parušeńnie siarod čynoŭnikaŭ. «Adny prosiać adkat u 5–10%, inšyja nazyvajuć kankretnuju sumu.
Ale nam usio viadoma», — zaznačyŭ ministr.

Potym jon raskazaŭ pra miery biaśpieki, jakija byli pryniatyja na čyhuncy, aerapartach, bujnych handlovych centrach paśla vybuchu ŭ maskoŭskim «Damadziedava». «Heta ad vizualnaha ahladu da prostych mietaładetektaraŭ», — zaznačyŭ ministr.

Nu, a ŭžo paśla hetaha razmova biezzvarotna pierajšła pra padziei na Płoščy 19 śniežnia. Byŭ vystup ad BAŽ, što arhanizacyja tak i nie atrymała adkaz ź Ministerstva datyčna źbićcia žurnalistaŭ.

Žurnalisty źbivali milicyju fota i videakamierami

Kulašoŭ raskazaŭ, što niadaŭna byŭ u Katary na čempijanacie Azii pa futbole i bačyŭ, jak tam pracujuć žurnalisty. «Tam iduć čatyry čałavieki, jakija naciahvajuć viaroŭku, i ŭsie žurnalisty znachodziacca pamiž imi, — dzielicca dośviedam hałoŭny milicyjanier. — Bo ŭ ciemry ciažka vyznačyć, ci heta žurnalist, ci nie, maje jon akredytacyju ci nie. 19-ha na Kastryčnickaj i płoščy Niezaležnaści nichto nikoha nie pryciaśniaŭ, jak žurnalistaŭ, tak i ŭdzielnikaŭ».

Na heta nie vytrymali žurnalisty «Biełhaziety». U ichniaha fotkarespandenta paśla zatrymańnia była zabranaja fłeška. «A paśviedčańnie z saboj mieli?». «Tak». «Značyć, supracoŭniki milicyi zasumniavalisia ŭ jaho sapraŭdnaści.

My nieadnarazova sutykajemsia, kali žurnalisty z padrobnymi akredytacyjami ŭdzielničajuć u akcyjach. Takija prykładny ŭ nas jość».

Potym Kulašoŭ pryvioŭ prykład jak niaščasnych supracoŭnikaŭ milicyi 19 śniežnia źbivali z dapamohaj videa- i fotakamier.

«Niaklajeva źbivała nie milicyja»

Chto źbivaŭ Niaklajeva? Tak hučała nastupnaje pytańnie. Kulašoŭ pačaŭ zdalok, što patrabavańni milicyi treba było vykonvać, a nie napadać na DAIšnikaŭ i nie razhojdvać ich mašynu. «Adlik pačatku niepadparkadvańnia pačaŭsia jašče na Niamizie», — zaznačyŭ jon.

Dyk chto ŭsio ž źbiŭ? — nie sunimalisia žurnalisty.

Kulašoŭ zaniaŭ abaronnuju stojku i tolki adbivaŭsia. «Nu chiba mahli milicyjaniery ŭdaryć kandydata, kab hetaha nichto nie zaŭvažyŭ?
Nazaŭtra pra heta pisali ŭsie suśvietnyja ŚMI. Usie chacieli, kab milicyja ŭdaryła. Ale milicyjaniery nie źbivali Niaklajeva», — zaznačyŭ ministr.

Čamu supracoŭniki pravaachoŭnych orhanaŭ byli ŭnutry Doma ŭrada, a nie zvonku, kab nie dapuścić "šturmu" budynku?

«Usio rabiłasia dla taho, kab vy nie abvinavacili nas u parušeńni pravoŭ čałavieka i demakratyi. Na Kastryčnickaj nie było nivodnaha milicyjaniera, nichto nie ŭmiešvaŭsia. A to padniaŭsia b chaj, što znoŭ prymianiajuć siłu da mirnych demanstrantaŭ. Ja nie staŭ pieraškadžać. Supracoŭniki milicyi prajavili karektnaść i vytrymku», — Kulašoŭ užo ledźvie nie zryvaŭsia na kryk.

«Rychtavali ŭzbrojeny pieravarot»

Pa jaho słovach milicyja niekalki razoŭ «prafiłaktyčna demanstravała siłu», ale na «ahresiŭny natoŭp» heta nie dziejničała i jany praciahvali šturmavać budynak.

«My čuli ŭ pierachopach, što byli zakliki ŭzbrojvacca cahlinami i kamieńniem. U vyniku ja zatrymaŭ bolš aktyŭnych, jakija ad pačatku išli na parušeńnie zakonu. Kab nie adbyŭsia ŭzbrojeny pieravarot. Milicyja dziejničała dalikatna i prafiesijna, — emacyjna vyhukaŭ ministr.

A niaŭžo sapraŭdy ludzi byli ŭzbrojenymi? Bo im ža inkryminujuć arhanizacyju masavych biesparadkaŭ, a nie ŭzbrojeny supraciŭ. «A chiba siakiery, manciroŭki, małatki — heta nie zbroja?». Ale Kulašoŭ paćvierdziŭ, što ahniastrelnaj zbroi ni ŭ kaho nie było.

Ministr paviedamiŭ, što abvinavačvańni ŭžo pradjaŭleny 37 udzielnikam akcyi. 33 ź ich znachodziacca ŭ SIZA. U pačatku lutaha spravy niekatorych, ale nie kandydataŭ, užo buduć pieradadzienyja ŭ sud.

«Mnie nie soramna»

Maryna Koktyš z «Narodnaj voli» papytałasia: «Anatol Niłavič, a vam jak mužyku nie soramna? Nie chočacie paprasić prabačeńni ŭ źbitych, pakalečanych?»

«Ja hanarusia svajoj prafiesijaj, — adkazaŭ jon. — Hanarusia, što staju na abaronie zakonnaści. U mianie niama prava nie vykonvać zakon.

19 śniežnia ja zachavaŭ mir, spakoj i stabilnaść. Mnie nie soramna. Kali b pačałasia druhaja chvala, to była b bojnia».

«Naša Niva» papytałasia, ci sam Kulašoŭ addavaŭ zahad na razhon Płoščy, ci jano prymałasia na bolš vysokim uzroŭni. Ministr adkazaŭ, što jon sam.

Kulašoŭ zastavaŭsia niepachisny, što 19 śniežnia im była zroblenaja dobraja sprava.

Kamientary80

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy12

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

Usie naviny →
Usie naviny

Taksistaŭ užo pačali štrafavać za vykarystańnie mašyn u asabistych metach — pa dziŭnym artykule3

Bajden nazvaŭ adzinuju ŭmovu, pry jakoj admovicca ad prezidenctva9

Adnaho z najlepšych biełaruskich trenieraŭ pa nastolnym tenisie sudziać za «sadziejničańnie ekstremisckaj dziejnaści»2

Pajšoŭ z žyćcia biełaruski vynachodnik Alaksandr Dłatoŭski

Pahladzicie, jak prykolna vyhladaje biełaruski pašpart pad ultrafijaletam13

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

bolš čytanych navin
bolš łajkanych navin

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy12

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

Hałoŭnaje
Usie naviny →