Upaŭnavažany ŭrada Hiermanii pa pravach čałavieka Markus Loninh 15 studzienia na pres-kanfierencyi ŭ Minsku nazvaŭ «poŭnym marazmam» publikacyi ŭ «Sovietskoj Biełoruśsii».

«Heta nas rasčaroŭvaje, bo Hiermanija prajaŭlaje vielmi vialikuju blizkaść da Biełarusi na praciahu apošnich hadoŭ. Mienavita Hiermanija aktyŭna pracavała nad palapšeńniem adnosin Biełarusi i Jeŭrasajuza», — skazaŭ Loninh.

Jon padkreśliŭ, što takija materyjały pieraškadžajuć raźvićciu adnosin. «Ja poŭnaściu asprečvaju toje, što vykazana ŭ publikacyjach», — zajaviŭ jon.

Jak raniej paviedamlaŭ BiełaPAN, 14 studzienia hazieta «Sovietskaja Biełoruśsija» apublikavała pieršuju častku artykuła «Za kulisami adnoj zmovy», u jakoj raźmiaściła pieradadzienyja pa ŭkazańni Alaksandra Łukašenki «niekatoryja rassakrečanyja dakumienty pra padziei 19 śniežnia».

«Niama nijakich sumnieńniaŭ, što da padziej 19 śniežnia prykłali ruku najpierš śpiecsłužby Polščy i Hiermanii, jakija spłanavali i arhanizacyjna aformili HK HP (hramadzianskaja kampanija „Havary praŭdu!“, jakuju ŭznačalvaŭ eks-kandydat u prezidenty Uładzimir Niaklajeŭ. — BiełaPAN.), jakaja pa zadumie pavinna była stać „Novaj apazicyjnaj siłaj“, zdolnaj źmianić uładu ŭ krainie», — havorycca ŭ artykule.

«Palihonam dla arhanizacyjnaha farmiravańnia siły, zdolnaj źmianić u Biełarusi zakonnuju ŭładu, stała Polšča. Tam byli stvorany śpiecyjalnyja i trenirovačnyja łahiery dla „aktyvistaŭ“, tam rychtavaŭsia budučy kirujučy kłas, tam uzhadnialisia asnoŭnyja źniešniepalityčnyja rašeńni z pryciahnieńniem dypłamatyčnaha korpusa. Usio heta vyklikaje škadavańnie, chacia b tamu, što narod brackaj Polščy maje vielmi ciesnyja suviazi ź biełaruskim narodam. Škada, što hetaha nie chočuć razumieć niekatoryja palitykany», — padkreślivajecca ŭ publikacyi.

Zhodna z publikacyjaj, sponsarami HK HP «źjaŭlalisia pradstaŭniki dziaržaŭnaj struktury Respubliki Polšča (MZS Polščy)».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?