Servisny centr Apple u Narviehii admoviŭ miascovaj žycharcy ŭ biaspłatnym ramoncie iPhone 4. Pryčynaj admovy stała vykarystańnie aparata pry admoŭnaj tempieratury pavietra — na vulicy było minus 12 pavodle Celsija.

Svoj smartfon narviežka kupiła ŭ kastryčniku 2010. Praz dva miesiacy, u śniežni, telefon uzarvaŭsia ŭ jaje aŭtamabili. Vybuch adbyŭsia ŭ toj momant, kali aparat byŭ padłučany da stereasistemy mašyny. Pa słovach žančyny, tempieratura ŭ sałonie ŭ toj momant składała +20 hradusaŭ.

Tym nie mienš, supracoŭniki servisnaha centra nie pryniali pryładu ŭ ramont. Jany paličyli, što narviežka padklučyła iPhone da stereasistemy pierad pačatkam pajezdki, kali tempieratura ŭnutry aŭtamabila nabližałasia da vuličnaj (-12 hradusaŭ).

U instrukcyi karystalnika iPhone 4 havorycca, što smartfon nielha vykarystoŭvać pry tempieratury nižej za nul i vyšej za 35 hradusaŭ, a taksama padviarhać jaho ŭździejańniu rezkich pierapadaŭ tempieratur.
Zachoŭvać aparat, nie karystajučysia im, možna pry tempieraturach ad -20 da +45 hradusaŭ pavodle Celsija.

Pradstaŭnik Sajuza spažyŭcoŭ Narviehii padtrymaŭ paciarpiełuju, zajaviŭšy, što smartfony, jakija pradajucca ŭ Narviehii, musiać być prystasavanyja da pracy ŭ surovym klimacie hetaj krainy.

Pry hetym jon, praŭda, pryznaŭ u intervju miascovaj haziecie, što vyśvietlić sapraŭdnuju pryčynu pałomki iPhone 4, jaki naležyć narviežskaj aŭtamabilistcy, budzie nialohka.

Pra vypadki vybuchaŭ iPhone paviedamlałasia i raniej, adnak pryčynaj takich incydentaŭ, jak praviła, byŭ nie maroz abo pierapad tempieratur, a pierahreŭ lityj-ijonnaj batarei.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?