Čynoŭnik śćviardžaje, što jaho rasparadžeńnie pra zamiežnyja kamandziroŭki datyčyć tolki dziaržpradpryjemstvaŭ.
Čynoŭnik śćviardžaje, što jaho rasparadžeńnie pra zamiežnyja kamandziroŭki datyčyć tolki dziaržpradpryjemstvaŭ.
Staršynia Hrodzienskaha abłvykankama Siamion Šapira ŭ intervju «Komsomolskoj pravdie» prakamientavaŭ akaličnaści pryniaćcia rasparadžeńnia № 227r «Ab paradku vyjezdu ŭ słužbovuju kamandziroŭku za miažu». Pa jaho słovach, jaho
rašeńnie datyčyć, tolki tych kiraŭnikoŭ, što pracujuć na dziaržaŭnaj słužbie i atrymlivajuć zarobak ź biudžetu.Najaŭnaść u rasparadžeńni farmuloŭki «niezaležna ad viedamasnaj padparadkavanaści i formy ŭłasnaści» kiraŭnik vobłaści patłumačyŭ tym, što supracoŭniki aparata abłvykankamu mahli pierastaracca.
Nahadajem, što 4 listapada 2010 h. źjaviłasia rasparadžeńnie № 199r «Ab paradku paviedamleńnia pa vyjeździe ŭ słužbovyja kamandziroŭki za miažu» za podpisam staršyni abłvykankamu. Zhodna jaho kiraŭniki pradpryjemstvaŭ musili zahadzia papiaredzić abłvykankam pra zapłanavany vyjezd za miažu pa słužbie. 16 śniežnia było pryniataje rasparadžeńnie № 227r, jakoje skasoŭvała papiaredni dakumient. Novaje rašeńnie było raźmieščana na sajcie abłvykankamu ŭ raździele «Aficyjnyja dakumienty» (11 studzienia jaho źniali z sajtu). U im havaryłasia, što jano pryniata «ŭ metach zabieśpiačeńnia stabilnaj pracy arhanizacyj, raźmiešanych na terytoryi Hrodzienskaj vobłaści».
Zhodna rasparadžeńnia, dla atrymańnia dazvołu na vyjezd na imia staršyni abłvykankama nieabchodna pradstavić list z ukazańniem źviestak pra dziaržavu i terminach kamandziravańnia, mety – i krynicy finansavańnia kamandziroŭki. Kantrol za vykanańniem dadzienaha rasparadžeńnia ŭskładzieny na Kamitet ekanomiki abłvykankamu. Siudy pa vynikach kamandziroŭki kiraŭniki arhanizacyj ŭ 10-dzionny termin musiać dasłać infarmacyju ab vynikach kamandziroŭki, u tym liku pra jaje efiektyŭnaść.
Skandalnaja inicyjatyva Siamiona Šapiry narabiła šumu. Voś jak jaho prakamientavaŭ dla «Našaj Nivy» pravaabaronca Hary Pahaniajła:
«Hetaje rasparadžeńnie pasiahaje na kanstytucyjnaje prava hramadzianaŭ na svabodu pieramiaščeńnia, a taksama supiarečyć pałažeńniam Mižnarodnaha pakta ab hramadzianskich i palityčnych pravach, da jakoha dałučyłasia naša kraina».Pahaniajła ličyć heta sprobaj naładžvańnia tatalnaha kantrolu za lubymi pracesami ŭ rehijonie. «U dačynieńni da pryvatnych arhanizacyj takija zachady byli b prosta nieprymalnymi i niezakonnymi». Pravaabaronca robić prahnoz, što inicyjatyva Šapiry nie atrymaje nijakaha efiektu.
Nahadajem, što ŭ svoj čas Alaksandr Łukašenka ŭvioŭ normu, pavodle jakoj najvyšejšyja čynoŭniki pavinny ŭzhadniać u Administracyi prezidenta luby svoj vyjezd za miažu.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?7
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary