Pabačyŭ śviet čarhovy numar almanacha, pryśviečanaha daśledavańniu emihracyi, «Zapisy BINIM» (Biełaruskaha instytuta navuki i mastactva).

Novy numar pryśviečany epistalarnaj spadčynie emihracyi — časam listy źjaŭlajucca adzinaj krynicaj u vyvučeńni. «Epistalaryi, jak detalizavany adbitak adnosinaŭ pamiž aŭtaram i adrasatam, šmat dajuć dla razumieńnia času i śpiecyfiki emihracyjnaha žyćcia, tych ci inšych učynkaŭ u jaho kantekście», — zaznačajecca ŭ pradmovie.

U numary drukujucca listy Jurki Vićbiča, pierapiska 1944 h. Antona Adamoviča ź Niamieččyny i Natalli Arsieńnievaj, jakaja była tady redaktarkaj «Biełaruskaj hazety»;

listavańnie Janki Zaprudnika i prezidenta Rady BNR Mikoły Abramčyka (1953–1969), daślednickija teksty Vitaŭta Tumaša, uspaminy Barysa Daniluka,

artykuł pra pavajennuju dziejnaść pasła polskaha siejma Alaksandra Stahanoviča, teksty pra mastaka Uładzisłava Stareviča, śviatara Apanasa Rešacia, Izydara Płaščynskaha i Janku Limanoŭskaha.

Atrymaŭ praciah prajektu virtualnaha muzieja BINIM, zapačatkavany ŭ minułym numary. U hetym źmieščany artykuł pra biełaruskija marki i płaścinki na emihracyi, padborka zdymkaŭ hetych marak, a taksama značkaŭ i miedaloŭ, vyrablenych biełaruskimi emihrantami ŭ roznyja časy.

Zapačatkavana taksama novaja rubryka — «Dzieci emihracyi», u numary źmieščana hutarka Alesi Siomuchi z dačkoj Vitaŭta i Zory Kipielaŭ Alesiaj.

***

«Zapisy BINIM» byli zasnavanyja ŭ 1952 h. u ZŠA. Pieršyja šeść tamoŭ vyjšli ŭ 1952—1954 hh.Ńju-Jorku, nastupnyja piać — u Miunchienie (1962–1960), Z 12 pa 24-ty vydavalisia ŭ Ńju-Jorku (1974–1999), ad 2002 h. «Zapisy BINIM» — sumiesny minska-ńjujorski prajekt. Heta ŭžo 33 numar almanacha-hadavika.

Chutka — u hałoŭnych kniharniach Minska i biełaruskich internet-kramach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?