Kandydat u prezidenty na vybarach-2010 Alaksiej Michalevič zatrymany pa padazreńni ŭ arhanizacyi masavych biesparadkaŭ (artykuł 293 Kryminalnaha kodeksa) i ciapier znachodzicca ŭ SIZA KDB,

paviedamiŭ BiełaPAN jaho advakat Aleh Ahiejeŭ.

21 śniežnia Ahiejeŭ sustreŭsia sa svaim padabaronnym i prysutničaŭ pry jaho dopycie ŭ jakaści padazronaha. "Abvinavačańnie jamu nie pradjaŭlałasia. Ranicaj 23 śniežnia zakančvajucca 72 hadziny z momantu zatrymańnia Michaleviča, paśla hetaha jaho pavinny abo adpuścić, abo pradjavić abvinavačańnie i abrać mieru strymańnia", — skazaŭ advakat.

Pavodle jaho słoŭ, Michalevič vyhladaje dobra, na zdaroŭje nie skardzicca, hvałt da jaho nie prymianiaŭsia. Palityk pieradaŭ praz advakata žoncy niekalki asabistych prośbaŭ.

Michalevič źjaŭlajecca adnym ź siami zatrymanych apazicyjnych kandydataŭ u prezidenty. Raniej davieranyja asoby palityka zapatrabavali jaho vyzvaleńnia.

Akramia Michaleviča ŭ źniavoleńni zastajucca Uładzimir Niaklajeŭ, Vital Rymašeŭski, Andrej Sańnikaŭ i Mikałaj Statkievič. Na volu adpuščany Ryhor Kastusioŭ i Dźmitryj Us. Nie zatrymlivalisia Jarasłaŭ Ramančuk i Viktar Ciareščanka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?