Jon stvorany na bazie dziejnaha kinateatra «Mir» za košt srodkaŭ pradpryjemstva «Brestabłkinavideaprakat».

Jak paviedamiła hienieralny dyrektar hetaha pradpryjemstva Varvara Busieł, dla pakazu filmaŭ u takim farmacie nabyty ličbavy kinaprajektar, akulary Dolby 3D.

«Pakul my pracujem u testavym režymie, tamu pačali z dvuch kinasieansaŭ u dzień. Kančatkova 3D-kinateatr takim, jakim my jaho bačym, budzie stvorany da lutaha 2011 hoda. U kinazale, jakaja ciapier raźličana na 378 hledačoŭ, budzie ŭstanoŭlena 350 śpiecyjalnych kresłaŭ, u faje adkryty kinabar. Na siońnia pakul zrobleny ramont tolki ŭ faje», — adznačyła Busieł.

Jak padkreśliła kiraŭnik «Brestabłkinavideaprakatu», z-za taho što ŭ apošni čas usio bolš filmaŭ vypuskajecca ŭ ličbavym farmacie, a ŭ horadzie nie było techničnaj mahčymaści ich pakazvać, bresckija hledačy nie mahli bačyć pa adnoj-dźvie premjery ŭ miesiac.

«Ciapier hetaja prablema vyrašana. Darečy, my płanujem, što ŭ nastupnym hodzie adna z załaŭ bresckaha kinateatra „Biełaruś“ taksama stanie 3D», — skazała Busieł.

1 śniežnia hledačam byŭ pradstaŭleny bajavik «Pirańni» (ZŠA), u afišu 2 śniežnia dabavicca amierykanskaja kamiedyja «Dzivaki». Z 10 śniežnia pačniecca prakat filma «Rapuncel: zabłytanaja historyja». Košt bileta składaje 15 tys. rubloŭ.

Brest staŭ čaćviortym horadam u Biełarusi paśla Minska, Homiela i Hrodna, žychary jakoha atrymali mahčymaść hladzieć filmy ŭ farmacie 3D.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?