Vakoł Kijeŭskaj Safii razharajecca kanflikt navukoŭcaŭ i śviataroŭ
Navukoŭcy ŭpeŭnienyja, što rehularnyja carkoŭnyja słužby zabivajuć staražytnyja kijeŭskija chramy. Šturškom da kanfliktu staŭsia vystup ajca Fiodara Šaramieta UPC na adnym z telekanałaŭ. Jon skazaŭ, što staradaŭniaj frescy ŭ Kiryłaŭskaj carkvie treba damalavać hałavu: «Što heta za ikona – hałava adrezanaja, a tułava jość. Jość carkoŭnyja praviły. Ikona, jakaja straciła prystojny vyhlad, nia moža być vykarystanaja».
Navukoŭcy ŭpeŭnienyja, što rehularnyja carkoŭnyja słužby zabivajuć staražytnyja kijeŭskija chramy.
Šturškom da kanfliktu staŭsia vystup ajca Fiodara Šaramieta UPC na adnym z telekanałaŭ. Jon skazaŭ, što staradaŭniaj frescy ŭ Kiryłaŭskaj carkvie treba damalavać hałavu: «Što heta za ikona – hałava adrezanaja, a tułava jość. Jość carkoŭnyja praviły. Ikona, jakaja straciła prystojny vyhlad, nia moža być vykarystanaja».
Navukoŭcy ŭhledzieli ŭ hetym pasiahalnictva na daŭninu. Iryna Marholina, namieśnica dyrektara pa navukovaj pracy Nacyjanalnaha zapaviedniku «Safija Kijeŭskaja», upeŭnienaja, što ŭniasieńnie jakich-kolviek dapaŭnieńniaŭ u freskavy rośpis, pa-pieršaje, skazić unikalny žyvapis 12 stahodździa, a pa-druhoje, heta budzie ŭžo tvorčaść 21-ha stahodździa, i da historyi jana nia budzie mieć nijakaha dačynieńnia. U harotnym stanie znachodziacca j inšyja chramy, addanyja dla bohasłužeńniaŭ.
— Kopać ad śviečak, jakaja ŭvieś čas kładziecca na biascenny alejny žyvapis i freski, vydalić nadzvyčaj składana, – žalicca Iryna Marholina. – Na bohasłužeńnie prychodzić bahata ludziej. Bo heta nie muzej, kudy puskajuć abmiežavanymi hrupami, a tamu ad podychu natoŭpu parušajecca tempieraturny režym, što nehatyŭna ŭpłyvaje na stan žyvapisu. A kali spalvajuć cydułki na ałtary, ikanastas taksama pakryvajecca kopaćciu.
U Andrejeŭskaj carkvie – architekturnym pomniku i dziejnym chramie– zahadčyca muzeju Žana Litvinčuk pakazała paśledki bahasłužeńniaŭ:
— Z-za taho, što ŭvieś čas zapalenyja śviečki, pazałočanyja anioły ź ikanastasu pakrylisia kopaćciu i stali padobnyja na nehryciataŭ. Padłoha z karkarskaha marmuru, jaki pryvozili ź Italii, sapsutaja parafinam. Va ŭnikalny ikanastas ubityja ćviki i naviešanyja sučasnyja ikony. Adzin z frahmentaŭ raznoha dekoru ikanastasu advaliŭsia z-za niapravilnaha abychodžańnia.
Śviatary Kijeva-Piačorskaj Łaŭry, jakoj hety kanflikt taksama datyčycca, słovy navukoŭcaŭ ličać vydumkaj.
— Dzie razbureńni? Niama nijakich razbureńniaŭ. Možacie sami pajści pahladzieć. My pilnujemsia normaŭ, usich ŭmovaŭ ekspluatacyi chramaŭ, pravodzim restaŭracyju, – zapeŭniŭ archimantdryt Iryniej.
Kamientary