U AAN u čaćvier adbylisia vybary ŭ Ekanamičnuju i Sacyjalnuju Radu – vakansii nia zdoleli zapoŭnić tolki ad Uschodniaj Eŭropy. Nieabchodnyja dźvie traciny hałasoŭ u pieršym tury hałasavańnia ŭ hrupie ŭschodnieeŭrapiejskich krainaŭ atrymała tolki Rumynija. Druhi tur hałasavańnia pamiž Biełarusiaj i Baŭharyjaj nia mieŭ pośpiechu – nivodnaja z krainaŭ nie atrymała nieabchodnaj padtrymki.
Za Biełaruś prahałasavali 90 krainaŭ, za Baŭharyju – 89. Dziela taho, kab być abranymi, im treba było zaručycca padtrymkaj jak minimum 120 krainaŭ.
Ciapierašnija vybary ŭ Ekanamičnuju i Sacyjalnuju Radu prachodziać na trochhadovy peryjad, jaki pačynajecca z 1 studzienia 2007 h. ECOSOC – heta hałoŭny orhan AAN ŭ vyrašeńni mižnarodnych prablemaŭ u ekanamičnaj i sacyjalnaj sferach, a taksama ŭ achovie zdaroŭja, kultury i adukacyi. Rada składajecca z 54 čalcoŭ, jakija abirajucca Hieneralnaj Asamblejaj AAN na try hady.
Kamientary