Pravakacyja suprać Anžaliki Borys. Što skaža Polšča?
2 listapada ŭ Haradzienskaj rehijanalnaj mytni ŭ adździele daznańniaŭ adbyŭsia dopyt Anžaliki Borys. Daznavalnika adździełu mytnych daśledavańniaŭ Siarhieja Saŭko cikaviła, čyje narkotyki byli znojdzienyja ŭ aŭtamabili, jakim jechała Anžalika Borys – paviedamiŭ aktyvist SPB Andžej Pačobut.
2 listapada ŭ Haradzienskaj rehijanalnaj mytni ŭ adździele daznańniaŭ adbyŭsia dopyt Anžaliki Borys. Daznavalnika adździełu mytnych daśledavańniaŭ Siarhieja Saŭko cikaviła, čyje narkotyki byli znojdzienyja ŭ aŭtamabili, jakim jechała Anžalika Borys – paviedamiŭ aktyvist SPB Andžej Pačobut.
A. Pačobut: Našaja staršynia skazała, što narkotyki byli padkinutyja pracaŭnikami specsłužbaŭ dziela dyskredytacyi jaje, jak lidera SPB, i źniščeńnia našaj arhanizacyi. Jana raspaviała, što była ŭ słužbovaj kamandziroŭcy ŭ Vilni, dzie prymała ŭdzieł u pasiedžańni Rady eŭrapiejskaj supolnaści polskaha asiarodździa. Heta palityčnaja pravakacyja, i jana budzie raźvivacca tak, jak zachočuć tyja asoby, jakija hetyja narkotyki padkinuli, jak zachoča KDB. Jak nam viadoma, nieŭzabavie ŭsia sprava budzie pieradadziena ŭ KDB.
Padčas dopytu pad budynkam mytni znachodziłasia kala 40 dziejačoŭ SPB, jakija sustreli Anžaliku Borys apładysmentami.
Siońnia taksama dapytali kiroŭcu aŭtamabila Andžeja Lisoŭskaha, jaki zabaviazaŭsia jaŭlacca na dopyt pry kožnym patrabavańni śledčych.
Były pieršy sakratar Ambasady RP u Miensku Marek Bućka ličyć, što Polšča pavinna stanoŭča j vielmi baluča zareahavać na pravakacyju suprać Anžaliki Borys. Marek Bućka pierakanany, što ad reakcyi polskaha boku zaležyć, ci biełaruskaje KDB budzie praciahvać represii biełaruskaj apazycyi.
Marek Bućka ličyć, što Polšča pavinna zabaranić ujezd na terytoryju Polščy asobam, zaanhažavanym u śledztva Anžaliki Borys.
-
Biazdomny-erudyt, jaki źnik u Homieli, znajšoŭsia ŭ reanimacyi. Jon viadomy pa błohu papularnaha tyktokiera
-
Jak buduć vyhladać novyja stancyi mietro na ŭčastku ad «Piarespy» da stancyi «Park Družby narodaŭ» FOTA
-
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh
Kamientary